منځپانګې ته تلل
دوشنبه ۱۶ نومبر ۲۰۲۶ · کابل ۷:۲۷ غ.م
۱° — په ټولو ولایتونو کې هوا
صاف · ↑۱۴° ↓۱°
د هوا کیفیت: منځنی
غړي

ننګرهار کې د ګوزڼ اته مثبتې پېښې ثبت شوي

· ۲ دقیقې لوستل · ۸۷ کتنې

جلال اباد (پژواک،۱۰ليندۍ۹۴): په ننګرهار کې د ګوزڼ اته مثبتې پېښې په داسىې حال کې ثبت شوي، چې په دې ولايت کې زرګونه ماشومان د پوليو له واکسين څخه پاتې دي.

د ننګرهار د عامې روغتيا رييس ډاکټر نجيب کامه وال د ليندۍ په۱۰مه د پوليو واکسين د کمپاين د پيل په مراسمو کې وويل، له اتو مياشتو راهيسې په ځينو ولسوالو کې ۶۰زره ماشومان له دې واکسين څخه پاتې شوي دي.

هغه زياته کړه: ((د ګوزڼ ۶ پېښې په اچين، يوه په لعلپورې او يوه يې په شېرزادو ولسوالۍ کې ثبت شوې ده، له اتو مياشتو راهيسې د ده بالا، اچين، کوټ او بټي کوټ په يو شمېر سيمو کې ۶۰زره ماشومان له واکسين  څخه پاتې دي.))

د ده په وينا، په راتلونکو درېيو ورځو کې به ۶۲۶زره ماشومانو ته د پوليو واکسين تطبيق کړي، خو په ځينو سيمو کې به بيا هم زرګونه ماشومان له دې واکسين څخه پاتې شي.

کامه وال وايي: ((د شينوارو په زون کې د ناامنيو له امله دا ماشومان له واکسين څخه پاتې کېږي، له دغې سيمې ډېرې کورنۍ کډه شوي، نو وېره شته چې نورو ماشومانو ته د ګوزڼ ويروس انتقال شي.))

نوموړي پر قومي مشرانو، ديني علماوو، کورنيو او د پوهنې رياست پر کارکوونکو غږ وکړ چې په ياد کمپاين کې ورسره مرسته وکړي.

د ننګرهار د حج او اوقافو رياست د خپرونو مدير مولوي عتيق الرحمن فضلي په ياده غونډه کې وويل: ((هر څوک چې د پوليو واکسين مخه نيسي، هغه د هېواد دښمن دی، دا د صحت مسئله  بايد سياسي نه شي.))

نوموړي پر ديني علماوو غږ وکړ چې په ياد کمپاين کې مرسته وکړي.

د اچين ولسوالۍ اوسېدونکي شان باچا پژواک ته وويل، د يادې ولسوالۍ په ځينو سيمو کې د وروستيو جګړو له امله ډېری ماشومان د پوليو واکسين له تطبيقه پاتې دي.

دى زياتوي: ((پخوا د اچين په روغتون کې د واکسين ځانګړې څانګه وه، د جګړو له پيل سره يې چارې بندې شوې، ځکه خو د ولسوالۍ له شاوخوا سيمو څخه پرته نورو سيمو کې ماشومان له دې واکسين څخه پاتې کېږي.))

پر ننګرهار سربېره د کونړ ولايت په يو شمېر سيمو کې تر ۱۳زره پورې ماشومان له دې واکسين څخه پاتې کېږي، چې چارواکي يې لامل ناامنيي په ګوته کوي.

 

 

 

 

 

 

غړي

You need to subscribe to view the full article. Please login or register a new account.

اړوند خبرونه

ټول روغتیا