کابل ( پژواک، ٢٨ ليندۍ ٩٤ ) : د افغانستان د ١٩ کلنو کرکټ لوبډلې د زمبابوې د ١٩ کلنو لوبډلې په څلورمه يوه ورځنۍ لوبه کې هم ستره ماتې ورکړه.
د افغانستان کرکټ بورډ وياند فريد هوتک د ليندۍ په ٢٨مه، پژواک خبري اژ انس ته وويل چې دا لوبه نن د هندوستان د پلازمينې نوي ډيلي په نوواډا کرکټ لوبغالي کې ترسره شوه.
هغه زياته کړه، چې د زمبابوې لوبډلې د دې لوبې پجه ګټلې وه، خو لومړى يې افغانستان ته د توپوهنې بلنه ورکړه.
هوتک وايي چې د افغانستان د ١٩ کلنو لوبډلې په ټاکل شويو ٥٠ اورونو کې د لسو لوبغاړو په سوځېدو ٢٦٧ منډې جوړې کړې او زمبابوې ته يې د ٢٦٨ منډو هدف ورکړ.
د افغانستان له لوري نويد عبيد ٦٢، احسان الله او وحيدالله ٥١، ٥١ او طارق ٣٧ منډې جوړې کړې.
د کرکټ بورډ وياند وويل چې د زمبابوې لوبډلې ياد هدف ترلاسه نه شو کړاى او ټوله لوبډله يې په ١٠٨ منډو وسوځېدله او دغه راز افغانستان دا لوبه د ١٥٩ منډو په توپير سره وګټله.
د افغانستان له لوري طارق او نجات مسعود څلور، څلور او او محمد ظاهر دوه لوبغاړي وسوځول.
د يادونې وړ ده چې تر دې مخکې افغانستان په درېيو نورو لوبو کې هم زمبابوې ته ماتې ورکړې وه.
غړيYou need to subscribe to view the full article. Please login or register a new account.










