منځپانګې ته تلل
سه‌شنبه ۱۷ نومبر ۲۰۲۶ · کابل ۶:۵۰ غ.م
۱° — په ټولو ولایتونو کې هوا
نیمه ورېځ · ↑۱۴° ↓۱°
د هوا کیفیت: منځنی
غړي

د فوټبال ملي لوبډلې د سوېلي اسيا سياليو کې دويم مقام خپل کړ

· ۲ دقیقې لوستل · ۷۷ کتنې

کابل (پژواک،١٣ مرغومى ٩٤): د افغانستان فوټبال ملي لوبډلې د سوېلي اسيا د اتلولۍ جام سياليو کې د هند پر وړاندې مقابله کې په وروستۍ لوبه کې ماتې وخوړله او په دې سياليو کې يې دويم مقام ترلاسه کړ.

دغه لوبه چې نن ماښام د هندوستان د کرالاى ښار په تريوندروم سټيډيوم کې ترسره شوه، د هېواد ملي لوبغاړو ښه لوبه وکړه او زبير اميري په اويايمه دقيقه کې وکولى شول چې لومړى ګول ووهي، خو دوه دقيقې وروسته د هندوستان لوبډلي لوبغالي جي جي بريالى شو، چې پر افغانستان هم يو ګول ووهي، چې په دې سره لوبه مساوي شوه.

د همدې پايلې له امله جاپاني لوبڅار لوبه دېرش دقيقې نوره هم وغځوله او هندي لوبغاړي سونيل چهتري په ١٠١يمه دقيقه کې وکولى شول د خپلې لوبډلې لپاره دويم ګول ووهي.

دا سيالي له ځينو تلويزونونو څخه هم په ژوندۍ بڼه خپرېده.

تردې وړاندې د افغانستان د فوټبال ملي لوبډلې درې ورځې وړاندې د دې سياليو د نيمه پايلوبې په څلورم دور کې د سريلانکا ملي لوبډلې ته پنځه پر صفر ماتې ورکړه او له دې وړاندې يې د بنګله دېش پر وړاندې د څلور پر صفر، د بوتان پر وړاندې درې پر صفر او د مالديو پر وړاندې څلور پر يو ماتې ورکړې ده.

افغانستان په ٢٠١٣ کال کې هندوستان ته په ماتې ورکول سره وکولى شول د سوېلي اسيا د اتلولۍ جام ترلاسه کړي.

 

 

 

غړي

You need to subscribe to view the full article. Please login or register a new account.

اړوند خبرونه

ټول لوبې