لغمان کې چاودنې ١٢ تنه ټپيان کړل

مهترلام (پژواک، ١٢ سلواغه ٩٤): د لغمان چارواکي وايي، د دې ولايت په مرکز مهترلام کې د مقناطيسي ماين د چاودنې له امله ١٢ ملکي وګړي ټپيان شوي دي.

د لغمان د والي وياند سرحدي ځواک، پژواک خبري اژانس ته وويل چې دغه پېښه نن له غرمې وروسته په شاوخوا درې بجو د عزيزي بانک ته څېرمه د پوليسو په رينجر موټر پسې د مقناطسيس له امله رامنځ ته شوې ده.

ده زياته کړه، په ټپيانو کې يوه مېرمن، دوه کوچنيان او نور ځوانان شامل دي، چې د دوو تنو روغتيايي حالت د اندېښنې وړ دی.

د هغه په وينا، په دغې چاودنه کې رينجر موټر لږ څه زيانمن شوی، خو پوليسو ته په کې کوم زيان نه دی رسېدلی.

غړي

You need to subscribe to view the full article. Please login or register a new account.