منځپانګې ته تلل
دوشنبه ۱۶ نومبر ۲۰۲۶ · کابل ۷:۰۲ غ.م
۱° — په ټولو ولایتونو کې هوا
صاف · ↑۱۴° ↓۱°
د هوا کیفیت: منځنی
غړي

په کونړ کې د ګوزڼ نوې پېښه ثبت شوې

· ۲ دقیقې لوستل · ۹۵ کتنې

اسعداباد (پژواک، ٢٣ کب ٩٤): د کونړ د عامې روغتيا رياست وايي چې په دغه ولايت کې د ګوزڼ نوې پېښه ثبت شوې ده.

د دغه ولايت د عامې روغتيا رياست سرپرست رييس ډاکتر احسان الله فضلي د کب په ٢٣مه پژواک خبري اژانس ته وويل چې دا پېښه د شيګل ولسوالۍ د شلطن درې په سيمه کې ثبت شوې ده.

هغه زياته کړه چې د يادې سيمې يو نيم کلن ماشوم د پوليو يا ګوزڼ پر ناروغۍ اخته دی او له دوى سره ثبت شوی.

دى وايي چې د کونړ په اتو ولسواليو کې دوى د پوليو د کمپاين په تطبيق کې ستونزې لري او د هر کمپاين پر مهال شاوخوا اته نيم زره ماشومان د پوليو له څاڅکو بې برخې پاتې کېږي.

ډاکتر فضلي د نوې پېښې رامنځته کېدل همدا لامل په ګوته کړ.

دى وايي چې دا د هېواد په کچه په ٢٠١٦ کال کې لومړى پېښه ده چې ثبتېږي. تېر کال په کونړ کې دوه پېښې او په ټول هېواد کې ٢٠ پېښې ثبت شوې وې.

د کونړ والي وحيدالله کليمزي پژواک اژانس ته وويل چې دوى هره مياشت له علماوو او قومي مشرانو سره ګډې غونډې جوړوي، څو له رضاکارانو سره د پوليو د کمپاين په ترسره کولو سره همکاري وکړه.

هغه ژمنه وکړه چې ډېر ژر به په دغه ولايت کې د پوليو ناروغي ورکه شي.

غړي

You need to subscribe to view the full article. Please login or register a new account.

اړوند خبرونه

ټول روغتیا