منځپانګې ته تلل
سه‌شنبه ۱۷ نومبر ۲۰۲۶ · کابل ۶:۲۳ غ.م
۱° — په ټولو ولایتونو کې هوا
نیمه ورېځ · ↑۱۴° ↓۱°
د هوا کیفیت: منځنی
غړي

افغانستان له هند او ايرلينډ سره د کرکټ سيالۍ کوي

· ۲ دقیقې لوستل · ۷۸ کتنې

کابل (پژواک، ٢٤ ورى ٩٥): ټاکل شوې ده چې په نږدې راتلونکي کې افغانستان له هندوستان او ايرلينډ سره د کرکټ نړيوالې سيالۍ ترسره کړي.

د افغانستان کرکـټ بورډ وياند فريد هوتک د وري په ٢٤مه، پژواک خبري اژانس ته وويل چې د افغانستان کرکټ بورد اجراييوي رييس شفيق ستانکزي نن په نوي ډيلي کې د هند کرکټ بورډ له سکرتر جنرال انوراګ ټاکور سره وليدل.

هغه زياته کړه، چې د دې ليدنې پر مهال دواړه لوري پر يو شمېر مواردو او موضوعاتو هوکړې ته ورسېدل، چې ډېر ژر به په رسمي توګه پرې لاسليک وشي.

د نوموړي په وينا، د هوکړې له مخې، د هندوستان له ملي او الف لوبډلې سره د افغانستان کرکټ ملي او الف لوبډلو سيالۍ ترسره کيږي، دغه راز هندوستان به د افغان لوبډلې د روزونکو او تخيکي کارکونکو د وړتيا لوړولو په برخو کې همکاري کوي.

هوتک وايي، چې د هند د کرکټ بورډ ياد مسوول د دغه هېواد د کرکټ په غوره ليګ (IPL) تجارتي سياليو کې  افغان لوبغاړو ته د چانس ورکولو ژمنه هم وکړه.

بلخوا د ايرلينډ کرکټ ادارې لخوا په يوه خپره شوې خبرپاڼه کې راغلي  چې د روان زېږديز کال دجولاى په مياشت کې به له افغانستان سره د کرکټ پنځه يوه ورځنۍ نړيوالې لوبې په خپل کوربه توب ترسره کوي.

د افغانستان کرکټ بورډ وياند فريد هوتک وايي، چې د دې لوبو په اړه د افغانستان کرکټ بورډ او ايرلينډ کرکټ بورډ د مسوولينو ترمنځ خبرې شوې وې او هغوى اوس دا منلې ده چې له افغانستان سره لوبې وکړي.

ده زياته کړه، چې د افغانستان لوبډله په تېر نړيوال جام کې ډېر ښه ځلېدلې او دې ته اړتيا  ده، چې له نورو پياوړو لوبډلو سره نړيوالې لوبې وکړي.

دا به لومړى ځل وي چې د افغانستان او ايرلينډ ترمنځ د يوه ورځني کرکټ د پنځو لوبو لړۍ ترسره کېږي.

د يادونې ده چې تر اوسه د افغانستان او ايرلينډ ترمنځ د کرکټ څلور يو ورځنۍ نړيوالې لوبې شوې دي، چې درې ايرلينډ او يوه افغانستان ګټلې.

غړي

You need to subscribe to view the full article. Please login or register a new account.

اړوند خبرونه

ټول لوبې