منځپانګې ته تلل
دوشنبه ۱۶ نومبر ۲۰۲۶ · کابل ۶:۵۳ غ.م
۱° — په ټولو ولایتونو کې هوا
صاف · ↑۱۴° ↓۱°
د هوا کیفیت: منځنی
غړي

په کونړ کې د ګوزڼ دويمه پېښه ثبت شوې

· ۱ دقیقه لوستل · ۷۴ کتنې

اسعد اباد (پژواک، ٢٨ ورى ٩٥) : د کونړ د عامې روغتيا رياست وايي چې په دغه ولايت کې د ګوزڼ يا پوليو دويمه پېښه ثبت شوې ده.

د دغه ولايت د عامې روغتيا رياست سرپرست رييس ډاکټر احسان اللله فضلي د وري په ٢٨مه پژواک خبري اژانس ته وويل چې دا پېښه د شيګل ولسوالۍ د شلطن درې په ونډ کلي  کې ثبت شوې ده.

هغه زياته کړه چې د يادې سيمې د اوسېدونکي عبدالولي يو کلن زوى د پوليو يا ګوزڼ پر ناروغۍ اخته او له دوى سره ثبت شوې ده.

د ډاکتر فضلي په وينا، په دې ولسوالۍ کې له تېرو څلورو کلونو راهيسې د ګوزڼ واکسين نه ځکه نه دى تطبيق شوى، چې وسله وال مخالفين يې مخه نيسي.

دى وايي چې د کونړ  ولايت په اتو ولسواليو کې دوى د پوليو د کمپاين په تطبيق کې ستونزې لري او د هر کمپاين پر مهال شاوخوا اته نيم زره ماشومان د پوليو له څاڅکو څخه بې برخې پاتې کېږي.

ډاکټر فضلي د نوې پېښې رامنځته کېدل همدا لامل په ګوته کړ.

دى وايي چې دا د هېواد په کچه په ٢٠١٦ کال کې درېيمه قضيه ده، چې ثبتېږي. تېر کال په کونړ کې دوه پېښې او په ټول هېواد کې ٢٠ پېښې ثبت شوې وې .

غړي

You need to subscribe to view the full article. Please login or register a new account.

اړوند خبرونه

ټول روغتیا