جلال اباد(پژواک،١٨زمرى٩٥): د ننګرهار ولايت په بهسودو ولسوالۍ کې د ناټو ځواکونو پر موټريز کاروان ځانمرګى بريد وشو.
د ننګرهار د والي وياند عطالله خوږياڼي د زمري په ١٨مه پژواک خبري اژانس ته وويل چې نن مازيګر شاوخوا پنځه بجې د دې ولايت د بهسودو ولسوالۍ اړوند د اخندزاده صاحب په سيمه کې د ناټو ځواکونو پر موټريز کاروان ځانمرګى بريد شوى دى.
د هغه په وينا، ځانمرګى د سراچه موټر په وسيله تر سره شوى چې يواځې د ناټو يو موټر زيانمن شوى دى.
خوږياڼى وايي چې په دې بريد کې يواځې بريدکوونکى وژل شوى دى.
د سيمې اوسېدونکي فريد الله ساحل پژواک ته وويل: ((دغه بريد نن مازيګر د رينګ روډ پر سړک وشو.))
ده وويل چې په بريد کې د مرګ ژوبلې په اړه معلومات نه لري.
ناټو ځواکونو ويلي، چې په دې بريد کې دوه امريکايي ځواکونه سرسري ټپيان شوي دي.
د دې بريد مسووليت وسله والو طالبانو منلى دى. د دې ډلې وياند ذبيح الله مجاهد وايي، په دې بريد کې شپږ بهرني ځواکونه وژل شوي او يو شمېر نور ژوبل دي.
غړي
You need to subscribe to view the full article. Please login or register a new account.
