کابل (پژواک، ١٩ زمرى ٩٥): د کرکټ د ملي شپږيزې سياليو په دويمه لوبه کې د کابل بازانو لوبډلې د امو نهنګانو لوبډلې تر يوې په زړه پورې سيالۍ وروسته ماتې ورکړه.
د هېواد د پلازمينې کابل بازانو او پنځو زونونو لوبډلو په ګډون د شپږيزې ملي سيالۍ د زمري په ١٩مه، د کابل په ا لکوزي نړيوال لوبغالي کې پيل شوې دي.
ددې سياليو دويمه لوبه د کابل بازانو او امو لوبډلو ترمنځ ترسره شوه، ددې لوبې پچه د کابل لوبډلې ګټلې وه او لومړى يې توپوهنه وکړه. د کابل لوبډلې په ټاکل شويو ٢٠ اورونو کې د ٩ لوبغاړو په سوځېدو ١٥٤ منډې وکړې او امو ته يې د ١٥٥ منډو ورکړ.
د کابل له لوري اصغر ستانکزى ٣٦، کريم جنت ٣١، محمد سميع ٢٩ او شوکت زمان ٢٥ منډې جوړې کړې، د امو له لوري جاويد احمدي درې لوبغاړي وسوځول.
د امو لوبډله ياد هدف ترلاسه نه شو کړاى اود پنځو لوبغاړو په سوځېدو يې ١٤٤ منډې جوړې کړې، دغه راز د کابل لوبډلې دا لوبه د ١٤ منډو په توپير سره وګټله.
د امو له لوري سلمان بټ ٥١ او جاوېد احمد ٣٨ منډې جوړې کړې.
د کابل لوبغاړى نواز چې دوه لوبغاړي يې سوځولي وو، د لوبې غوره لوبغاړى اعلان شو.
غړيYou need to subscribe to view the full article. Please login or register a new account.










