کابل (پژواک، ٣ وږى ٩٥): د افغانستان کرکټ بورډ ادارې د کرکټ د اسيايي شورا بشپړ غړيتوب ترلاسه کړ.
سربېره پر دې د دې ادارې اجرائيه رييس د کرکټ اسيايي شورا د اجرائيه کمېټې غړيتوب هم ترلاسه کړی دی.
د افغانستان د کرکټ بورډ عمومي رييس نسيم الله دانش له اجرائيوي رييس شفيق الله ستانکزي سره يو ځاى د وږي په ٣مه د کابل د کرکټ په نړيوال لوبغالي کې د يادو لاسته راوړنو په اړه د يوې خبري غونډې په ترڅ کې معلومات ورکړل.
د افغانستان کرکټ بورډ اجرائيوي رييس د اسيايي شورا په وروستۍ غونډه کې چې په سريلانکا کې جوړه شوې وه، ګډون وکړ او تېره ورځ هېواد ته راستون شوى دى.
نسيم الله دانش وويل چې د لومړي ځل لپاره د کرکټ اسيايي شورا له خوا افغانستان ته بشپړ غړيتوب ورکړل شو.
نوموړي زياته کړه، همدا راز د افغانستان د کرکټ بورډ اجرائيوي رييس د اسيايي شورا د اجرائيه کمېټې غړيتوب هم ترلاسه کړ چې پخوا نه و.
د هغه په وينا ، د اسيايي شورا په اجرائيه غونډه کې مهمې پرېکړې کېږي چې د غړيتوب په اخیستو سره به افغانستان په کې فعال رول ولوبوي.
د کرکټ بورډ عمومي رييس وويل چې په سريلانکا کې د يادې غونډې په ترڅ کې اجرائيوي رييس شفيق الله ستانکزي د بنګله دېش کرکټ ادارې له مسوولينو سره د يو لړ سياليو په اړه ګټورې خبرې کړې دي.
دانش وویل چې د اسيايي شورا په غونډه کې يې د ګډون پر مهال يې ګډونوالو ته د افغانستان د کرکټ د لاسته راوړنو او پرمختګونو په اړه معلومات ورکړل.
هغه زياته کړه چې د بنګله دېش له مسوولينو سره يې د سياليو لړۍ په هکله خبرې کړې دي چې ډېر ژر به يې اعلان کړي.
د ستانکزي په وينا، راتلونکی کال به د سعودي، مالديف، بحرين او قطر په غوښتنه، د دوی لوبډلې به کابل ته راځي او دلته په کابل نړيوال کرکټ لوبغالي کې لوبې کوي.
اجراييوي رييس وويل چې د کرکټ نړيوالې شورا څلورو غړو هېوادونو هند، پاکستان، سريلانکا او بنګله دېش به د افغانستان د بشپړ غړيتوب لپاره پوره هلې ځلې کوي.
نوموړي زياته کړه، اسيايي شورا د افغانستان له کرکټ بورد څخه هيله وکړه چې د الکوزي ـ کابل نړيوال کرکټ لوبغالى ورته د لوبو لپاره ورکړي چې د سعودي، مالديف، بحرين او قطر لوبډلې په کې لوبې ترسره کړي.
ستانکزى وايي چې د افغانستان کرکټ بورډ د هغوى د دې غوښتنې هرکلی وکړ او راتلونکی کال به په لويه کچه د دې لوبو لپاره پرېکړه وشي.
نوموړي دا هم وويل چې د يادو هېوادونو ملي لوبډلې به په کابل کې د افغانستان له ٢٣ کلنۍ څخه کم عمره لوبغاړو له لوبډلې سره لوبې کوي.
د کرکټ د چارو څارونکى او د لوبې مجلې مسوول مدير رحيم ګل څاروان د اسيايي شورا د بشپړ غړيتوب ترلاسه کول، لويه لاسته راوړنه بولي.
هغه پژواک ته وويل چې د نورو بهرنيو هېوادونو لوبډلو له راتګ سره به په هېواد کې د کرکټ لوبه نوره هم وده وکړي.
غړيYou need to subscribe to view the full article. Please login or register a new account.










