هرات ښار (پژواک، ٤ تله ٩٥): د هرات والي د دغه ولايت د مدني ټولنو د همغږي کوونکي خليل پارسا د روغتیا د پوښتنې تر څنګ د مرکزي روغتون له چارواکو وغوښتل چې د هغه د درملنې لپاره جدي هڅې وکړي.
د هرات د مدني ټولنې شبکې همغږي کوونکى خليل پارسار، پرون ماښام د نا پېژانده وسله والو له بريد سره مخ شو او سخت ژوبل شو.
د هرات والي وياند جيلاني فرهاد نن پژواکو خبري اژانس ته وويل چې دغه مدني فعال د موټرسايکل سپرو له خوا وېشتل شوى او بريدګر يې تښتېدلي دي.
د فرهاد په خبره، پارسا روغتون ته لېږدول شوى او روغتيايي وضعيت يې ښه دى.
بلخوا د هرات والي محمد اصف رحيمي نن سهار د هرات حوزوي روغتون ته چې خليل پارسا په کې تر جدي مراقبت لاندې دى، پوښتنې ته ورغى.
والي له ډاکټرانو او روغتيايي ډلو وغوښتل چې د نوموړي د درملنې لپاره له خپلو ټولو امکاناتو کار واخلي.
پر دې سربېره د هرات والي امنيتي او استخباراتي ارګانونو ته جدي لارښوونه کړې چې پر خليل پارسا د بريد عاملين پيدا کړي او جزا ورکړي.
د هرات والي په خپل پيغام کې خليل پارسا يو ولسي شخصيت او پياوړى مدني فعال بللى چې د ناخوالو پر وړاندې ولاړ و او له ډيموکراسۍ يې دفاع کړې ده.
په ورته وخت کې د هرات حوزوي روغتون ډاکټران وايي چې د پارسا روغتيايي وضعيت تر کنټرول لاندې دى او ټولې روغتيايي نښې يې د ډاډ وړ دي.
د هرات حوزوي روغتون مشر ډاکټر محمد ناصر فوشنجي وويل: ((د جراحۍ متخصصينو مجربه ډله تر نيمې شپې پورې د ټپيانو په عملياتو بوخته وه.))
هغه زياته کړه چې د پارسا روغتيايي وضعيت د ښه والي خوا ته روان دى، خو د درملنې پروسه يې وخت نيسي.
بلخوا د هرات امنيه قوماندانۍ وياند عبدالرووف احمدي وويل چې بريدګر له بريد وروسته د پېښې له ځايه تښتېدلي، خو د پېښې د عاملينو د نيولو لپاره د پوليسو څېړنې پيل شوې دي.
غړيYou need to subscribe to view the full article. Please login or register a new account.










