کابل (پژواک، ۹ تله ۹۵): د کابل د شاهین اسمایي لوبډلې د افغانستان فوټبال غوره لیګ سیالیو پای لوبه کې د کندهار د میونداتلانو لوبډلې ته په ماتې ورکولو سره ددې سیالیو اتلولي خپله کړه.
دا لوبه نن دتلې به ۹مه، ترغرمې وروسته د کابل د فوټبال په لوبغالي کې ترسره شوه. ددې سیالیو پای لوبې ته د میوند اتلان او د شاهین اسمایي لوبډلو لاره موندله وه.
د لوبې په نیمایي برخه کې هیڅ یوې لوبډلې ګول ونه وهلو او لوبه مساوي وه، خو د لوبې دویمې برخې پیلیدو سره سم دواړو لوبډلو تیزه لوبه پيل کړه او هر یوې د ګول وهلو هڅه کوله. د لوبې په ۵۱مه دقیقه کې د میوند اتلانو لوبغاړي تیروتنه وکړه، چې له امله یې د شاهین اسمایي لوبغاړی امر الدین شریفي په پنلټي شوټ لومړی ګول ووهلو.
درې دقیقې وروسته د میوند اتلانو له لوري هم په پنلټي یواځینې ګول سید ابراهیمي ووهلو او لوبه یې برابره کړه.
د لوبې په اوه پنځوسمه دقیقه د شاهین اسمایی شریفي دویم ګول ووهلو او لوبه یې دوه پر یو کړه او دا تر اخره پورې پاتې شوه او په بای کې د شاهین اسمایي لوبډلې ددې سیالیو اتلولي خپله کړه.
د لوبې په بای کې د اجراییوي رییس ډاکټر عبدالله عبدالله او یو شمیر نورو چارواکو لخوا پر لوبغاړو او لوبډلو کپونه او مډوالونه وویشل شول.
غړي
You need to subscribe to view the full article. Please login or register a new account.










