منځپانګې ته تلل
سه‌شنبه ۱۷ نومبر ۲۰۲۶ · کابل ۵:۴۳ غ.م
۱° — په ټولو ولایتونو کې هوا
نیمه ورېځ · ↑۱۴° ↓۱°
د هوا کیفیت: منځنی
غړي

د کرکټ پر ملي لوبغاړي شفيق الله شفق لګېدلى بنديز پای ته ورسېد

· ۲ دقیقې لوستل · ۱۰۳ کتنې

کابل (پژواک، ١٨ تله ٩٥)) : د افغانستان د کرکټ ملي لوبډلې پر ملي لوبغاړي شفيق الله شفق لګېدلی شپږ مياشتنی بنديز پای ته ورسېد.

د افغانستان کرکټ بورډ وياند فريد هوتک د تلې په ١٨مه، پژواک خبري اژانس ته وويل چې د ادارې له قوانينو او صولو څخه د سرغړونې په جرم پر شفق شپږ مياشتنى بندېز لګول شوى و.

هغه زياته کړه  چې نوموړي د دې بنديز پر مهال هېڅ ډول کورنيو او نړيوالو لوبو کې برخه نه شواى اخيستى.

هوتک وايي چې د  کرکټ د ملي لوبډلې پر  ۲۷ کلن لوبغاړي ښي لاسي توپوهونکي (بيټسمين ويکټ ساتونکي) شفيق الله شفق لګېدلى بنديز پاى ته رسېدلى دى.

د نوموړي په وينا، د کرکټ بورډ اجراييوي کمېټې د پرېکړې له مخې، شفيق الله شفق اوس کولی شي چې په کورني کرکټ کې خپله وړتيا ثابته او ملي لوبډلې ته لاره پيدا کړي.

د پرېکړې له مخې ، شفق به دمګړۍ په الکوزي، احمدشا ابدالي څلور ورځنيو سياليو کې په کابل ګرين لوبډله کې ولوبيږي.

د اجراييوي کمېټې د معلوماتو له مخې، هر هغه لوبغاړی چې د افغانستان کرکټ بورډ له قوانينو څخه سرغړونه وکړي، د څه وخت لپاره له لوبو څخه څنګ ته کېږي، له دې کار څخه د ادارې لوی هدف دادى، څو په خپلو لوبغاړو کې اصلاحات راولي.

د کرکټ بورډ اجراييوي کمېټې همدا راز ويلي، د افغانستان کرکټ بورډ ادارې تل دا هڅه کړې او کوي يې چې خپل هر يو لوبغاړى له هره پلوه لوبو ته چمتو کړي.

شفيق الله شفق د کرکټ لوبو ډګر ته پر بېرته را ګرځېدو خوښي وښوده او زياته يې کړې  چې د بنديز د مودې تر پاى ته رسېدو وروسته به کله هم له قانون څخه سرغړونه ونه کړي.

شفق زياته کړه چې په خپل ټول اخلاص سره به يو ځل بيا د کرکټ په ډګر کې ولوبيږي او خپل هېواد ته به  وياړونه او برياوې راوړي. 

غړي

You need to subscribe to view the full article. Please login or register a new account.

اړوند خبرونه

ټول لوبې