کابل (پژواک، ٨ لړم ٩٥): د زابل ولايت چارواکي وايي چې وسله والو مخالفينو په شملزو ولسوالۍ کې پر امنيتي ځواکونو بريدونه کړي چې له امله يې ملکي وګړو او پوليسو ته مرګ ژوبله اوښتې ده.
د زابل د والي وياند ګل اسلام سيال د لړم په ٨ مه، پژواک خبري اژانس ته وويل چې دغه بريدونه ډيورنډ کرښې ته څېرمه د لسګونو وسله والو مخالفينو له لوري ترسره شوي دي.
هغه زياته کړه، وسله والو مخالفينو د سرحدي پوليسو پر پوستو بريدونه وکړل چې د افغان ځواکونو له کلک مقاومت سره مخ شول.
د سيال په وينا، په دغه څو ساعته جګړه کې دوه ملکي وګړي وژل شوي او دوه نور ټپيان دي او ددې تر څنګ يو سرحدي پوليس وژل شوی او يو بل ټپي دی .
دى وايي چې د جګړې په ترڅ کې وسله والو طالبانو ته هم درنه مرګ ژوبله اوښتې، خو هغوى خپل مړي او ټپيان د جګړې له سيمې لېږدولي دي .
وسله والو طالبانو تر اوسه په دې اړه څه نه دي ويلي.
غړيYou need to subscribe to view the full article. Please login or register a new account.
