منځپانګې ته تلل
دوشنبه ۱۶ نومبر ۲۰۲۶ · کابل ۶:۳۷ غ.م
۱° — په ټولو ولایتونو کې هوا
صاف · ↑۱۴° ↓۱°
د هوا کیفیت: منځنی
غړي

پکتیکا کې د ګوزڼ ضد واکسین کمپاین پیل شو

· ۲ دقیقې لوستل · ۹۶ کتنې

ښرنه (پژواک، ٢٤ لړم ٩٥): په پکتيکا کې داسې مهال د ګوزڼ د مخنيوي واکسين پيل شو چې په تېر يو کال کې په دغه ولايت کې د ګوزڼ شپږ مثبتې پېښې ثبت شوې دي.

په پکتيکا کې د ګوزڼ د مخنيوي واکسين نن (د لړم ٢٤مه) پيل شو.

د يادو مراسمو په پيل کې د پکتيکا د عامې روغتيا رياست د واکسين برخې مسوول ډاکټر محمدعظيم پژواک خبري اژانس ته وويل چې په تېر يو کال کې برمل ولسوالۍ ته د پاکستان له سوېلي او شمالي وزيرستان څخه زرګونه  کورنۍ راکډه شوې دي.

د هغه په وينا، د نا امنيو له امله دوى نه شو کولاى چې په ياده سيمه کې ماشومانو ته واکسين وکړي.

هغه وايي چې په دې وروستيو کې دوى د يادو کډوالو ماشومانو ته ګوزڼ واکسين وکړ چې په ترڅ کې یې د دې ناروغۍ شپږ مثبتې پېښې هم وموندل شوې.

ډاکتر محمدعظيم وايي چې د روان کمپاين په ترڅ کې به د دغه ولايت ١٥٦زره ماشومانو ته د ګوزڼ واکسين وشي.

خو د برمل قومي مشر نورګل وزير پژواک ته وويل چې د روغتيايي چارواکو د بې پروايۍ له امله په دې ولسوالۍ کې د ګوزڼ شپږ مثبتې پېښې ثبت شوې دي.

هغه وايي: ((موږ ټول له دوى سره همکاري کوو، خو دوی بې پروا دي پر وخت يې ماشومانو ته واکسين نه دى کړى.))

ده د معلوماتو له مخې، يادې پېښې څلور په کډوالو او دوه په ځايي اوسېدونکو کې دي.

د پکتيکا مرستيال والي عطاالله فضلي هم مني چې په برمل ولسوالۍ کې د ګوزڼ  شپږ مثبتي پېښې ثبت شوې دي.

ده هم وويل چې د روغتيايي چارواکو د نه پاملرنې له امله په دې ولسوالۍ کې په دومره لوړ شمېر ماشومان د ګوزڼ په ناروغۍ اخته شوي دي.

خو فضلي ژمنه وکړه چې دوى په دغه ولايت د ګوزڼ د مخنيوي لپاره خپل ټول امکانات په کار واچوي.

د عامې روغتيا وزارت د چارواکو د معلوماتو له مخې، په روان زېږديز کال کې په ټول هېواد کې د ګوزڼ ناروغۍ ١٢ مثبتې پېښې تر اوسه ثبت شوې دي.

غړي

You need to subscribe to view the full article. Please login or register a new account.

اړوند خبرونه

ټول روغتیا