ګردېز، کلات (پژواک، ٢٠ ليندۍ ٩٥): د پکتيا په زرمت ولسوالۍ کې د افغان ګډو ځواکونو په عملياتو کې ۱۶ وسله وال وژل شوي دي .
د دې ولايت امنيه قوماندان مل پاسوال قادرګل ځدراڼ د ليندۍ په ٢٠مه، پژواک خبري اژانس ته وويل، چې له تېرو څو ورځو راهيسې ګډو ځواکونو د زرمت په بېلابېلاسيمو کې د وسله والو طالبانو پرضد عمليات پيل کړي دي.
ده زياته کړه، تر اوسه پورې په دې عملياتو کې ۱۶ وسله وال وژل شوي او څلور تنه يې ټپيان شوي.
د ځدراڼ په وينا، په دې عملياتو کې يې يوه اندازه وسلې او مهمات هم نيولي او د ګډو ځواکونو څلور سرتېري هم ټپيان شوي دي.
خو د طالبانو وياند ذبيح الله مجاهد وايي، له تېرو څو ورځو راهيسې امنيتي ځواکونو غوښتل چې د دوی پر مرکزونو او نورو ځايونو بريدونه وکړي، خو په خپل هدف کې يې پرمختګ نه دی کړی.
دی زياتوي، تر اوسه پورې يې د امنيتي ځواکونو دوه موټر ويجاړ کړي، ۷ امنيتي سرتېري يې وژلي او دوه طالبان هم ټپيان شوي دي.
د يادولو ده چې هر کال د ژمي په رارسېدو سره افغان امنيتي ځواکونه په ناامنو سيمو کې دا ډول عمليات پيلوي.
د يوه بل خبر له مخې، د زابل په شاه جوى ولسوالۍ کې پر افغان ځواکونو چاودنه شوې ده.
د زابل د والي وياند اسلام ګل سيال پژواک اژانس ته وويل، چاودنه نن غرمه د يادې ولسوالۍ د جلدک په سيمه کې شوې ده.
هغه زياتوي، په دې چاودنه کې يو د ملي اردو سرتېرى او يو پوليس ټپيان شوي دي.
وسله والو مخالفينو تر اوسه په دې اړه څه نه دي ويلي.
غړيYou need to subscribe to view the full article. Please login or register a new account.
