منځپانګې ته تلل
سه‌شنبه ۱۷ نومبر ۲۰۲۶ · کابل ۵:۲۸ غ.م
۱° — په ټولو ولایتونو کې هوا
نیمه ورېځ · ↑۱۴° ↓۱°
د هوا کیفیت: منځنی
غړي

د کرکټ درېيو افغان لوبغاړو په نړيواله درجه بندۍ کې پرمختګ کړى

· ۲ دقیقې لوستل · ۵۱ کتنې

کابل (پژواک، ٤ سلواغه ٩٥): د افغانستان د کرکټ ملي لوبډلې درېيو پياوړو لوبغاړو  محمد شهزاد ، محمد نبي او راشد خان د شل اووريزو سياليو په نړيواله درجه کې ډېر پرمختګ کړى دى.

د کرکټ د نړيوالې شورا لخوا د سلواغې په ٤مه، د شل اووريزو سياليو نوې نړيواله درجه بندي اعلان کړې چې په کې دوو افغان لوبغاړو د نړۍ په غوره لسو لوبغاړو کې راغلي دي.

دغه راز د نړيوالې شورا لخوا د لوبډلو په خپرې شوې درجه کې افغانستان د نړۍ غوره نهم هېواد اعلان شوى دى.

د خپرې شوې درجه بندۍ له مخې، د کرکټ د شل اووريزو سياليو د توپوهنې په کټګورۍ کې افغان لوبغاړي محمد شهزاد د نړۍ په لسو غوره توپ وهوونکو کې نهم مقام خپل کړى دى.

هغه په متحده عربي اماراتو کې د صحرا جام شل اووريزو سياليو کې په ټوليزه توګه ٢٠٧ منـډې جوړې کړې وې.

دغه راز د کرکټ نړيوالې شورا ويلي چې د توپ اچونې په کټګورۍ کې افغان توپ اچوونکي راشد خان پنځم مقام خپل کړى دى.

نوموړي د صحرا جام سياليو پر مهال نهه مخالف لوبغاړي سوځولي وو.

بلخوا د کرکټ نړيوالې شورا ويلي چې د کرکټ د شل اووريزو سياليو د الراونډرانو په کټګورۍ کې افغان لوبغاړي محمد نبي څلورم مقام خپل کړى دى.

الراونډر د کرکټ هغه لوبغاړي ته کارول کېږي چې په توپ اچونه او توپ وهلو دواړو کې خپله وړتيا وښيي.

بلخوا د افغانستان پياوړي توپ وهوونکي د  صحرا جام سياليو په پاى لوبه او نيمه پاى لوبه چې په يوه ورځ ترسره شول، دوه  نيمه سليزو وهلو سره نړيوال ريکارډ جوړ کړى دى.

د کرکت اړونده خبري سايټونو د معلوماتو له مخې، تر اوسه په يوه ورځ د کرکټ په دوو نړيوالو لوبو کې کوم لوبغاړي دوه پنځوسيزې نه وې وهلې.

شهزاد محمدي د صحرا جام سياليو په نيمه پاى لوبه کې د عمان پر وړاندې ٨٠ او په پاى لوبه کې  د ايرلينډ پر وړاندې يې ٥٥ منډې جوړې کړې وې.

د کرکټ د چارو کارپوه او د لوبې سپورټي موسسې مسوول رحيم ګل څاروان وايي چې په صحرا جام سياليو کې افغان لوبډله او لوبغاړي ډېر ښه وځلېدل او دا يې ثابته کړه چې دوى اوس د نړۍ د پياوړو لوبډلو په کتار کې راځي.

هغه پژواک اژانس سره د خبرو پر مهال په ځانګړې توګه د شهزاد او راشد خان يادونه وکړه چې  ډېر پياوړي شوي او اوس د نړۍ له ډېرو پياوړو لوبغاړو څخه ښه لوبه کوي. 

غړي

You need to subscribe to view the full article. Please login or register a new account.

اړوند خبرونه

ټول لوبې