لښکرګاه (پژواک، ٢٢ سلواغه ٩٥): د هلمند ولایتي شورا رییس وایي، چې د سنګین ولسوالۍ په عملیاتو کې تر ۲۰ زیات ملکیان وژل شوي دي، بلخوا ناټو وایي، چې په یاده ولسوالۍ کې د ملکي تلفاتو په اړه یې څیړنې پیل کړې دي.
طالب وياند ذبيح الله مجاهد ويلي چې د سنګين ولسوالۍ د تېرې شپې په هوايي بريدونو کې تر ٢٠ ډېرو ملکي وګړو ته مرګ ژوبله اوښتې چې په کې ښځې او ماشومان هم شامل دي.
د هلمند د ولایتي شورا رییس کریم اتل وایي، چې دوی ته د سنګین د عملیاتو په اړه ضد او نقیض معلومات رارسیدلي دي.
هغه پژواک خبري اژانس ته وویل، چې پر یوه کور د بهرنیو ځواکونو د بمبار له امله ۱۱ تنه وژل شوي او په یوه بله سیمه کې هم تر ۱۰ ډیر ملکي وګړي وژل شوي دي.
اتل داهم وایی، چې ځینو خلکو ورته ویلي، چې پر کورونو درنې مرمۍ لګیدلي، خو دا نه ده معلومه، چې دا مرمۍ د چا لخوا توغول شوي وو.
د سنګین ولسوالۍ د ماته لکړې سیمې یو تن اوسیدونکی مجنون وایي، چې ددوی کور د بازار په پنځه کیلو مترۍ کې دی او د بهرنیو ځواکونو په بمبار کې یې د کورنۍ ۱۱ غړي وژل شوي دي.
هغه پژواک اژانس ته وویل، چې په وژل شویو کسانو کې د دوو مېلمنو په ګډون درې مېرمنې، څلور نجونې او څلور هلکان شامل دي.
د نوموړي وینا، په وژل شویو کسانو کې یې وریندار او وریرونه شامل دي او ورور یې دوه کاله مخکې د ماین په یوه چاودنه کې وژل شوی.
مجنون وایي، چې ده هم د نا امنۍ له امله کډه لښکرګاه ته راوړې، خو په دې وروستیو کې د فصلونو راټولولو په موخه ولسوالۍ ته ستون شوی.،
هغه زیاته کړې، چې د تیرې شپې په هوایي برید کې وژل شوي کسان یې نن د جوشالي په هدیره کې خاورو ته وسپارل
دناد علي پخوانی ولسوال او د سنګین ولسوالۍ اوسیدونکی حاجي قاسم هم پژواک ته وویل دفدا محمد په نامه دیوه تن پر کور بمبار کې د ښځو او ماشومانو په ګډون ۱۳ تتنه وژل شوي دي.
هغه وایي، چې وژل شوي کسان نن په اغلق هدیره کې خاورو ته وسپارل شول.
د هلمند د والي وياند عمر ځواک په سنګين ولسوالۍ بمبار مني او زیاتوي، چې د پيښې د څیړلو په موخه والي یو پلاوي ته دنده سپارلې ده.
په دغه ولايت کې د ٢١٥ اتل قول اردو وياند ډګمن محمد رسول ځاځي هم پژواک ته وويل چې له تېرو دوو کلونو راهيسې له هغې سيمې ملکي وګړي وتلي دي.
هغه زياته کړه چې د تېرو جګړو له مله له يادې سيمې څخه ملکي وګړي وتلي او د تېرې شپې په هوايي بريدونو کې ګڼ شمېر وسله والو طالبانو ته مرګ ژوبله اوښتې ده.
په کابل کې د امريکايي ځواکونو يوه وياند ډګر جنرال چارلېس کليو لينډ پژواک خبري اژانس ته وويل، دوى په سنګين ولسوالۍ کې له افغان ځواکونو څخه د دفاع او ملاتړ په موخه هوايي بريدونه ترسره کړي دي.
هغه زياته کړه چې دوى هم د يادو هوايي بريدونو له امله د ملکي مرګ ژوبلې له ادعاوو خبر شوي او په دې اړه يې جدي څېړنې پيل کړې دي.
نوموړى وايي: ((موږ له خپلو افغان همکارانو سره له نږدې څېړنې پيل کړې او په دې اړه نور معلومات راټولوو.))
د امريکايي ځواکونو وياند وويل چې د يادو عملياتو په اړه د نورو معلوماتو لپاره بايد د هلمند ولايت مقام او په دغه ولايت کې له ميوند قول اردو سره اړيکې ونيول شي.
غړيYou need to subscribe to view the full article. Please login or register a new account.
