پل علم(پژواک،١٢ورى٩٦): د لوګر تر ټولو په نا امنه ولسوالۍ ازره کې د ٣٨ ميليونو افغانيو په لګښت د دوه پروژو چارې پيل شوې.
د ازرې ولسوال حميدالله حميد د وري په١٢مه پژواک خبري اژانس ته وويل چې په دې پروژو کې د څه باندې لس کيلومتره سړک پخول او د يو روغتون لپاره د ودانۍ جوړول شامل دي.
ده وويل چې ياد شوى سړک په خروټي، ببر، اکبرخېل، چتره او کڅوال سيمو کې لسګونه کلي سره نښلوي.
هغه زياته کړه: (( دغه سړک ډير خراب دى، نو اوس به په اساسي ډول سره جوړ شي او د خلکو ستونزې به هوارې کړي.))
دغه راز ولسوال وويل چې د روغتون لپاره به هم ودانۍ په اساسي او پاخه ډول سره جوړه شي.
ده وويل چې تر دې وړاندې دغه روغتون، کلينيک و او ودانۍ يې نه درلوده.
حميد زياته کړه: (( کله چې مو پرېکړه وکړه چې دغه کلينيک بايد په روغتون بدل شي،نو بيا مو د ودانۍ لپاره هم تدابير ونيول او نن يې د جوړونې چارې پيل شوې.))
د ولسوال په وينا، د يادو پروژو چارې به د يو کال په موده کې بشپړې شي او ٣٨ ميليونه افغانۍ به پرې ولګول شي.
د لوګر د ولايتي شورا غړي عبدالولي وکيل هم وويل چې دغه پروژې د ازرې لپاره ډيرې مهمې دي.
ده وويل: (( ازره يوه لرې او نا امنه ولسوالۍ ده، حکومت له پامه غورځولې وه، خو اوس په کې د دوه اساسي پروژو چارې پيل شوې چې تر ډيره به د خلکو مشکلات هوار کړي.))
د همدې ولسوالۍ قومي مشر حيات الله پژواک ته وويل: (( د همدې سړک او روغتون په برخه کې موږ ډير مشکلات درلودل، خو اوس ښه وشو چې دغه پروژې پيل شوې او مشکلات به مو کم شي.))
د هغه په وينا، د دې ولسوالۍ ډيرى اوسېدونکي دې ته اړ کيږي ترڅو خپل ناروغان نورو ولايتونو ته ولېږدوي، خو د روغتون په جوړېدو سره به يې دغه ستونزه هوار شي.
ده وويل چې حکومت بايد له ازرې سره د مور او ميرې چلند ونه کړي او ډيرى پروژې په کې پلې کړي.
ازره د لوګر د نا امنو ولسواليو له ډلې څخه ده چې له تېرو ١٤ کلونو راهيسې يې لويه لاره له مرکز پل علم سره تړل شوې ده.
د ازرې ولسوالۍ اوسېدونکي لومړى ننګرهار بيا له هغه ځايه کابل او بيا لوګر ته سفر کوي.
غړيYou need to subscribe to view the full article. Please login or register a new account.
