اسعد اباد (پژواک، ٢٣ ورى ٩٦): چارواکي وايي، کونړ د نوري فايبر مخابراتي شبکې سره ونښلول شو، چې له امله به يې په دې ولايت کې د انټرنټي او ټيلېفوني خدماتو اسانتياوې زياتې شي.
د مخابراتو او معلوماتي ټکنالوجۍ وزارت تخنيکي مرستيال او سرپرست وزير سيد احمدشاه سادات چې دې ولايت ته يې سفر کړى و، وويل چې کونړ ته له جلال اباد څخه د نوري فايبر لين د ١٥ مياشتو په موده کې د درې ميليونو ډالرو په لګښت وغځول شو.
ده زياته کړه، په دې سره به په کونړ کې د انټرنټي او ټيلېفوني خدماتو او د زده کړې د بهير په ښه والي کې اسانتياوې رامنځ ته شي.
د هغه په وينا، راتلونکې اوونۍ له چين هېواد سره تفاهمليک لاسليکوي چې په دې سره به په راتلونکو دوو کلونو (٢٠١٩ کال کې) افغانستان د بدخشان د واخان له لارې له فايبر نوري شبکې سره وتړل شي.
د کونړ والي وحيدالله کليمزي د مخابراتو وزارت له مسوولينو وغوښتل چې د يادې شبکې خدمتونه د دې ولايت ټولو ولسواليو ته وغځوي، ترڅو يې له اسانتياوو او خدمتونو ټول خلک استفاده وکړي.
غړيYou need to subscribe to view the full article. Please login or register a new account.
