د اسيا پراختيايي بانک د “ورېښمو” تاريخي لارې د بيارغونې ملاتړ کوي

کابل (پژواک، ٢٥ غويى ٩٦): د اسيا پراختيايي بانک وايي چې د ورېښمو تاريخي لارې د بيارغونې له پروژې ملاتړ کوي.

د اسيا پراختيايي بانک مشر تکي کونيکاو (Takehiko Nakao)، د جاپان په يوکو هاماى ښار کې د ياد بانک د پنځوسمې ناستې په څنډه کې د پژواک خبري اژانس له خبريال سره په خبرو کې د دغه ټکي د څرګندولو تر څنګ وويل چې د اسيا پراختيايي بانک د اسيايي هېوادونو د ودې او پراختيا راتلونکو پروګرامونو کې له خپلو ٥٠ کلنو تجربو او نوښتونو اعظمي ګټه اخلي.

د اسيايي بانک دغه لوړپوړي چارواکي په خپلو خبرو کې زياته کړه چې سيمه ييزه همکاري او نښلېدنه چې په دې تجربو کې شامله ده، تر ٢٠٣٠ کال پورې د بانک په ستراتيژۍ کې ځاى ورکړل شوى.

تيکاو د ورېښمو لارې د بيارغونې په اړه چې له افغانستانه تېرېږي او د اسيا لويه وچه له اروپا او افريقا سره نښلوي، وويل: ((د اسيا پراختيايي بانک د کرک پروژه، د ورېښمو لارې د بيارغونې پروژې ملاتړ کوي.))

پر دې سربېره د اسيا پراختيايي بانک مشر څرګنده کړه چې د نړۍ د درېيو سترو لويو وچو د نښلولو پروژې (يو کمربند، يوه لار)  له اقتصادي اړخه به د نړۍ ګڼ هېوادونه ګټه واخلي.

د اسيا نړيوال پراختيايي بانک پنځوسمه کلنۍ ناسته  د ٢٠١٧ کال د مې مياشتې له څلورمې تر اوومې نېټې پورې په جاپان کې ترسره شوه.

تکي کو نيکاو وويل چې د ياد بانک له کلنۍ ناستې موخه د يو کال وړاندې کارونه څېړنه او د بانک له نوو تجربو د ګټه اخيستنې نوې لارې دي.

غړي

You need to subscribe to view the full article. Please login or register a new account.