کابل (پژواک، ٢٢ غبرګولى ٩٦): یوه ١٨ کلن افغان معيوب لوبغاړي د امريکا د لامبو وهلو په سياليو کې د سرو زرو دوه مډوالونه اخیستي دي.
د راپورونو له مخې، دغه افغان عباس کريمي نومېـږي او ١٨ کاله عمر لري، په دې بريا سره هغه لومړى افغان معيوب لوبغاړى شو چې په مکسيکو کې کېدونکو د معيوبينو د لامبو نړيوالو سياليو ته لاره پيدا کړي.
د مکسيکو نړيوالې سيالۍ به د روان زېـږديز کال په سپټمبر او اکتوبر مياشتو کې ترسره شي.
کريمي د امريکا د لامبو په سياليو کې د ٥٠ مترو په دوو مسابقو کې د سرو زرو مډالونه ورکړي دي.
د يادونې ده، هغه په ٢٠١٣ زېـږديز کال د ترکيې په سياليو کې هم د سرو زرو مډال اخیستی و.
هغه پخوا د افغانستان د معيوبينو د لامبو د ملي لوبـډلې لوبغاړى و، خو له تېرو شپږو مياشتو راهيسې په امريکا کې تمرينات کوي.
login or register a new account.
