منځپانګې ته تلل
سه‌شنبه ۱۷ نومبر ۲۰۲۶ · کابل ۴:۵۳ غ.م
۱° — په ټولو ولایتونو کې هوا
نیمه ورېځ · ↑۱۴° ↓۱°
د هوا کیفیت: منځنی
غړي

د افغانستان ١٩ کلنې لوبـډلې په کرکټ کې ماليزيا ته ماتې ورکړه

· ۱ دقیقه لوستل · ۷۴ کتنې

کابل (پژواک، ٢٦ چنګاښ ٩٦): د افغانستان د کرکټ ١٩ کلنې ملي لوبډلې د نړيوال جام غوراوي سياليو په لړ کې ماليزيا ته ماتې ورکړه.

د افغانستان‌، ماليزيا، نيپال او سينګاپور په ګډون دا يوه ورځنۍ سيالۍ نن (د چنګاښ ٢٦مه) په سينګاپور کې پيل شوې.

د افغانستان کرکټ بورډ د رسنيو د اړيکو مسوول فريد هوتک پژواک اژانس ته وويل چې د لوبې پچه افغانستان وګټله او ماليزيا ته يې د توپوهنې بلنه ورکړه.

هغه زياته کړه چې د ماليزيا لوبغاړو د افغان توپ اچوونکو مقابله ونه شوه کړاى او ټوله لوبډله يې په يوويشتم اوور کې په ٥٣  منډو وسوځېده.

د افغانستان له لوري يوسف ځاځي څلور، مجيب درې، ظاهر پکتين دوه او شمس يو لوبغاړى وسوځول.

هوتک وايي چې افغان ١٩ کلنې لوبـډلې ياد هدف په شپږم اوور کې د دوو لوبغاړو په سوځېدو ترلاسه کړ او ماليزيا ته يې ستره ماتې ورکړه.

د افغانستان له لوري دروېش رسولي ٣٢ او نويد عبيد ١٨ ناسوځېدلې منډې جوړې کړې،

يوسف ځاځى چې څلور لوبغاړي يې سوځولي وو، د لوبې غوره لوبغاړى اعلان شو.

افغانستان به سبا خپله دويمه لوبه له کوربه سينګاپور سره ترسره کوي. 

غړي

You need to subscribe to view the full article. Please login or register a new account.

اړوند خبرونه

ټول لوبې