منځپانګې ته تلل
دوشنبه ۱۶ نومبر ۲۰۲۶ · کابل ۷:۱۸ غ.م
۱° — په ټولو ولایتونو کې هوا
صاف · ↑۱۴° ↓۱°
د هوا کیفیت: منځنی
غړي

په ارګ کې د معلولو ورزشکارو سرتېرو د لوبو مشال روښانه شو

· ۲ دقیقې لوستل · ۹۹ کتنې

کابل (پژواک، ١٨ زمرى ٩٦): د ولسمشر غني په ګډون په ارګ کې د "نه ماتېدونکو لوبو (Invictus Games) تر نامه لاندې د معلولو ورزشکارو سرتېرو د لوبو مشال روښانه شو.

په دې اړه په ارګ کې نیول شوو مراسمو کې په کابل کې د کاناډا سفیر کینیټ نیوفیلډ، په افغانستان کې د غوڅ ملاتړ ځواکونو قوماندان جنرال جان نیکولسن او د (Invictus Games) لوبو اجرایي مسوول مایکل بورنس ګډون کړى و.

د لوبو اجرایي مسوول مایکل بورنس په دې مراسمو کې وويل، دغه لوبې د هغو سرتېرو قدرداني ده چې د افغانستان د خلکو او نورې نړۍ لپاره يې قربانۍ ورکړې دي.

ده زياته کړه، د لوبو مشعل به له کابله روښانه او له دغه ځايه پيل شي. په دې لوبو کې د افغانستان په ګډون د ١٧ هېوادونو ٥٥٠ معلول سرتېري برخه اخلي.

د کاناډا سفير نیوفیلډ وويل چې د دې لوبو ترسره کول د ټپي شوو سرتېرو د سرښندنو يادول دي.

د هغه په وينا، د کاناډا هر وګړى ستاسو هر لوبغاړي ته سترګې په لاره دی.

ولسمشر محمد اشرف غنی وویل، دا چې موږ دلته د سپورت دغه مراسم نمانځو، بايد په ياد ولرو، کومه ازادي چې موږ لرو دا د هغو زرګونو افغان او بهرنيو سرتېرو د قربانيو پايله ده چې خپل ژوند يې په دې برخه کې له لاسه ورکړى دى.

هغه زياته کړه، ټپي شوو عسکرو د افغانستان د راتلونکو نسلونو او د دنيا د خونديتوب لپاره قرباني ورکړې ده.

دى وايي: "بدبختانه موږ هره ورځ زخميان لرو، خو د دغو لوبو له لارې هغوى ته پيغام ورکوو چې موږ له هغوى سره يو او مرسته ورسره کوو."

نوموړي ټپي شوو عسکرو ته په خطاب کې وويل چې تاسو هر يو د همت، ملي سمبول او هيله مندۍ بېلګه ياست.

د دې مراسمو په پاى کې د "نه ماتېدونکو لوبو د ورزشکارو معلولو سرتېرو لوبو مشال روښانه شو.

غړي

You need to subscribe to view the full article. Please login or register a new account.

اړوند خبرونه

ټول لوبې