کلات (پژواک، ٥ وږى ٩٦): ناپېژاغندو وسله والو د زابل د ديني عالمانو شورا مرستيال مولوي عبدالحکيم حکمت پر ډزو وژلى دى.
د زابل د شاه جوی ولسوال وزير محمد جوادي د وږى په پنځمه پژواک خبري اژانس ته وويل چې ناپېژاندو وسله والو نن سهار د دغه ولايت د ديني عالمانو شورا مرستيال عبدالحکيم حکمت وژلى دى.
هغه وايي: ((د هغه مړی يې د دې ولسوالۍ په بره خان سيمه کې غورځولى وو او امنيتي ځواکونو موندلی دی.))
هغه وويل چې د پېښې په تور تر اوسه څوک نه دي نيول شوي.
د زابل د ولايتي شورا رييس عطاجان حقبيان هم ياده پېښه تاييد کړه.
د دې پېښې مسووليت تر اوسه کومې وسله والې ډلې پر غاړه نه ده اخيستى.
د يادونې ده، مولوی عبدالحکيم حکمت تل د رسنيو په مخ پر پاکستان سختي نيوکې کولې او پاکستان يي د افغانستان په ټولو بدبختيو کې ښکېل باله.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن