منځپانګې ته تلل
دوشنبه ۱۶ نومبر ۲۰۲۶ · کابل ۴:۲۱ غ.و
۱۱° — په ټولو ولایتونو کې هوا
صاف · ↑۱۴° ↓۰°
د هوا کیفیت: منځنی
غړي

افغانستان د کرکټ د ۱۹ کلنو اسیایي سیالیو پای لوبې ته لاره پیدا کړه

· ۱ دقیقه لوستل · ۱۱۲ کتنې

کابل (پژواک، ۲۶ لړم ۹۶) : افغانستان د اسیا د۱۹ کلنولوبډلو په نیمه پای لوبه کې نیپال ته په سترې ماتې ورکولو سره ددې سیالیو پای لوبې ته لاره پیدا کړه.

د اسیا د اتو لوبډلو په ګډون دا سیالۍ تېره اوونۍ په مالیزیا کې پیل شوې دي.

افغانستان په خپل ګروپ کې پاکستان او متحده عربي اماراتو ته په ماتې ورکولو سره نیمه پای لوبې ته لاره موندلې وه.

د کرکټ ۱۹ کلنې ملي لوبډلې نن دلړم په ۲۶مه، په نیمه پای لوبه کې نیپال ته په سترې ماتې ورکولو سره ددې سیالیو پای لوبې ته لاره وموندله.

دافغانستان لوبډلې پچه ګټلې وه او لومړی یې نیپال ته دتوپوهنې بلنه ورکړه، دنیپال لوبغاړو د افغان توپ اچوونکو مقابله ونه شواى کړای  او ټوله لوبډله یې په ۱۰۳ منډو وسوځېدله.

د افغانستان له لوري مجیب ځدراڼ د نیپال ۶ لوبغاړي وسوځول.

 ۱۹ کلنې ملي لوبډلې د نیپال له خوا ورکړل شوی هدف په ډېرې اسانۍ سره په ۲۱ اوور کې د درېیو لوبغاړو په سوځېدو ترلاسه او لوبه یې وګټله.

د افغان ۱۹ کلنې لوبډلې له خوا رسول ګربز ۷۱ منډې جوړې کړې، افغان لوبغاړی مجیب ځدراڼ د لوبې غوره لوبغاړی اعلان شو.

پای لوبه به دافغانستان او پاکستان ترمنځ ترسره کیږي.

غړي

You need to subscribe to view the full article. Please login or register a new account.

اړوند خبرونه

ټول لوبې