کابل (پژواک، ٢٦ مرغومى ٩٦): د کابل پوليس وايي چې د کابل ښار لسمې امنیتي حوزې اړوند په وزير اکبرخان سيمه کې د راکټ لګېدو د پېښې په تړاو درې تنه نيول شوي دي.
د کورنيو چارو وزارت مرستيال وياند نصرت رحيمي پژواک خبري اژانس ته وويل چې له دې پېښې يو ساعت وروسته توانېدلي چې درې تنه پر کابل ښار د راکټ توغولو په تور ونيسي.
رحيمي د نيول شوو کسانو هويت په ډاګه نه کړ، خو زياته يې کړه چې د دې څېړنو پايلې به له رسنيو سره شريکې کړي.
دا په داسې حال کې ده چې تېره شپه شاوخوا اته بجې او ۱۵ دقيقې د وزير محمد اکبرخان په ١٤ سړک د راکټ يوه مرمۍ ولګېده.
د کابل ښار امنيتي سرچينو پژواک ته وويل چې ياد راکټ د هندوستان سفارت پر دېوال لګېدلې او مرګ ژوبله نه لري.
د رحيمي په خبره، په دې پېښه کې چا ته زيان نه دى رسېدلى او يوازې د سفارت دېوال ته څه اندازه زيان رسېدلى دى.
نوموړي زياته کړه چې د پېښې د څرنګوالي په اړه څېړنې رواني دي، څو څرګنده شي چې راکټ له کوم لوري توغول شوى دى.
غړيYou need to subscribe to view the full article. Please login or register a new account.
