جلال اباد (پژواک، ٥ کب ۹۶): د ننګرهار ولایت مرکز جلال اباد ښار کې د ۳۲ لوبډلو ترمنځ د (امن غواړو) تر عنوان لاندې د کرکټ لس اووريزې سيالۍ پيل شوې.
د ختيځ اکاډمۍ مشر عزيز ښېوه وال د کب په ٥ مه پژواک اژانس ته وویل، دغه سيالۍسراج العمارت بڼ کې د ختیځ اکاډمۍ په نوښت پرون پيل شوي چې دوه اوونۍ به دوام وکړي .
هغه زياته کړه چې له دې سیالیو څخه يې موخه د امن او سوکالۍ پيغام خپرول او ځوان نسل له نشه يي توکو څخه منعه کول دي.
د نوموړي په وينا، په دې سياليو کې ۳۲ سيمه ييزو لوبډلو ګډون کړى او له دې سياليو څخه يې بله موخه هېوادوالو او په ځانګړې توګه وسله والو مخالفينو ته د سولې پيغام رسول دي.
ددغې لوبې د پرانیستې په مراسمو کې ګڼ شمیر پخوانیو او اوسنیو چارواکو او د کرکټ مینوالو ګډون کړی وو چې سیالۍ یې د امن او سولې د راتګ په نوم د کوترو او پوکاڼو په پورته کولو سره پیل کړې.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن