کابل (پژواک، ١٩ کب ٩٦) : افغانستان د کرکټ د نړيوال جام غوراوي سياليو کې نيپال ته په ماتې ورکولو سره په دې سياليو کې لومړۍ بريا خپله کړه.
د لسو هېوادونو ترمنځ د غوراوي دا سيالۍ په زمبابوې کې روانې دي.
افغانستان نن خپله وروستۍ او څلورمه لوبه له نيپال سره ترسره کړه، نیپال پچه و ګټله او د توپوهنې پرېکړه يې وکړه. د نيپال ټوله
لوبـډله په ٥٠ اوورونو کې په ١٩٤ منډو وسوځېدله او افغانسان ته يې د ١٩٥منډو هدف ورکړ.
د ملي لوبـډلې له لوري محمد نبي څلور، راشد خان درې، مجيب او شاه پور يو يو لوبغاړي وسوځول.
د افغانستان لوبـډلې ياد هدف په نهه دېرشم اوور کې د څلورو لوبغاړو په سوځېدو سره ترلاسه او په دې سياليو کې يې لومړۍ بريا خپله کړه.
د افغانستان له لوري نجيب ځدراڼ په زړه پورې لوبه وکړه او ناسوځېدلې ٤٩ منډې يې جوړې کړې، دغه راز محمدي ٤٦ او رحمت شاه ٣٤ منډې جوړې کړې.
محمد نبي د لوبې غوره لوبغاړى اعلان شو.
تر دې مخکې په دې سياليو کې سکاټلينډ، زمبابوې او هانګ کانګ له افغانستان څخه لوبې ګټلې وې.
غړيYou need to subscribe to view the full article. Please login or register a new account.










