کابل (پژواک، ٢٣ کب ٩٦): د ملي امنيت عمومي رياست وايي، هغه پنځه کسيزه ترهګريزه ډله يې نيولې چې د امنيتي ځواکونو د تثبيت او ترور مسووليت يې پر غاړه درلود.
د ياد رياست له لوري پژواک خبري اژانس ته په رالېږل شوې خبرپاڼه کې راغلي، ياده ترهګريزه ډله د ملي امنيت د ځانګړې قطعې ځواکونو له لوري د يو لړ عملياتو په پايله کې د کابل ښار د پنځمې ناحيې اړوند ساحه کې نيول شوې ده.
سرچينې زياته کړې، د يادې شبکې غړو په کابل ښار په ځانګړي ډول پنځمه امنيتي حوزه کې د امنيتي ځواکونو د تثبيت او ترور مسووليت پر غاړه درلود.
په خبرپاڼه کې د يادو کسانو نومونه نيازمحمد، محمداغا، محمدنسيم، محمدزمان او حبيب الله ياد شوي او دغه ډله له وسله والو طالبانو سره اړيکې لري.
د ملي امنيت عمومي رياست وايي، يادو کسانو اعتراف کړى چې د طالبانو ترهګريزې ډلې د يوه قوماندان قاري خالد له لوري اته مياشتې وړاندې د ميدان وردګو د جلرېز په کهنه خمار سيمه کې د وسله والو طالبانو ليکو ته جذب شوى و او هغوى ته دنده سپارل شوې وه چې د امنيتي ځواکونو کسان په نښه او له مقناطيسي ماينونو او غږ نه لرونکو تومانچو په ګټې له منځه يوسي.
غړيYou need to subscribe to view the full article. Please login or register a new account.
