خوست ښار (پژواک، ۲۷ کب ۹۶): امنيتي چارواکي وايي چې د خوست په نادرشاه کوټ ولسوالۍ کې چاودنې ۱۱ ماشومانو ته مرګ ژوبله اړولې ده.
د خوست د امنيې قوماندانۍ مطبوعاتي دفتر د کب په ٢٧مه پژواک خبري اژانس ته وويل چې دا پېښه تېر مازديګر د نادرشاه کوټ ولسوالۍ د سپين کاڼ په سيمه کې د يوې ديني مدرسې مخې ته شوې ده.
د سرچينې په وينا، تر اوسه يې د پېښې د څرنګوالي په اړه کره معلومات نه دي ترلاسه کړي، خو د لومړنيو معلوماتو پر بنسټ ويلای شي چې پېښه د چاودېدونکو توکو د چاودنې له امله رامنځته شوې ده.
سرچينې زياته کړه چې په دې پېښه کې د ديني مدرسې دوه ماشومان وژل شوي او نهه نور ټپيان دي چې د خوست ښار روغتونونو ته لېږدول شوي دي.
په ورته وخت کې يوې بلې امنيتي سرچينې هم د نوم نه خپرېدو په شرط وويل، په دې اړه پلټنې پيل شوې څو د چاودنې څرنګوالی معلوم کړي.
غړيYou need to subscribe to view the full article. Please login or register a new account.
