خوست ښار (پژواک، ۲۷ ورى ۹۷): د ملي دفاع وزارت وايي چې د خوست په جګړه کې ١٤ پاکستاني سرتېري وژل شوي، بلخوا د خوست ولايتي چارواکي وايي چې د تېرې ورځې په جګړه کې د پنځو وژل شوو پاکستاني سرتېرو جسدونه يې مقابل لوري ته سپارل شوي دي.
ځايي چارواکو نن (د وري ٢٧مه) يوه خبري کنفرانس ته خبرې کولې وويل، افغان ځواکونو د پاکستاني عسکرو هغه پنځه جسدونه چې تېره ورځ د جګړې په ډګر کې پاتې و، نن غرمه د ځاځي ميدان ولسوالۍ په سيټيوان سيمه کې مقابل لوري ته وسپارل.
د خوست والي حکم خان حبيبي دغه خبري کنفرانس ته وويل چې د ولسي خلکو وسله والو غبرګون او د امنيتي ځواکونو د بريدونو په پايله کې ژوندی نيول شوی پاکستانى سرتېری هم نن ماسپښين يوه بجه دوی ته وسپارل شو.
هغه زياته کړه، په دې جګړه کې د ځاځي ميدان ولسوالۍ دوه ملکي وګړي هم وژل شوي، چې د جنازې مراسم يې تېره ورخ ناوخته د دوی په حضور کې ترسره شول.
حبيبي همدا ډول وويل چې افغان دولت له پاکستان سره د نړيوالو قوانينو او اصولو په رڼا کې ښې اړيکې غواړي او د هېڅ ډول تېري نيت نه لري، خو له پاکستاني چارواکو هم د ورته عمل هيله لري.
د ولايتي چارواکو په وينا، تېره ورځ سهار اووه بجې پاکستاني ملېشو او پوځيانو د ځاځي ميدان ولسوالۍ دې غاړې ته را اوښتي وو او د امنيتي پوستو جوړولو هڅه يې کوله چې د ولسي خلکو او امنيتي ځواکونو له وسله والو غبرګون سره مخ شول.
بلخوا د ملي دفاع وزارت ويلي چې په ياده جګړه کې ١٤ پاکستاني سرتېري وژل شوي او ١٧ نور ټپيان شوي دي.
خو په دې اړه يې نور جزئيات نه دي ورکړي.
د پاکستان د پوځ له خوا په يوه خپره شوې خبرپاڼه کې راغلي چې په دې جګړه کې يې پنځه سرتېري وژل شوي او يو شمېر نور ټپيان دي.
خو هغوى هم د مقابل لوري د لسو وسله والو د وژلو خبر ورکړى دى.
غړيYou need to subscribe to view the full article. Please login or register a new account.
