قلعه نو (پژواک، ١٦ غبرګولى ٩٧): د بادغيس په قادس ولسوالۍ کې د ملي اردو پنځه سرتېري وژل شوي او دوه نور ټپيان دي او له وسله والو مخالفينو څخه شپږ تنه وژل شوي او درې نور ټپيان دي
دغه څرګندونې د بادغيس د ولايتي شورا مشر عبدالعزيز بېک پژواک خبري اژانس ته وکړې او ويې ويل چې دغه مرګ ژوبله تېره شپه په قرچغي سيمه کې د ملي اردو پر يوه پوسته د دولت وسله والو مخالفينو د بريد پر مهال اوښتې ده.
خو د سيمې يو اوسېدونکى وايي چې د ملي اردو د څلورو سرتېرو مړي او درې ټپيان يې ليدلي دي.
هغه وويل، په بريد کې شپږ وسله وال مخالفين وژل شوي چې د څلورو مړي يې د جګړې پر ډګر پاتې دي.
په بادغيس کې د ملي اردو د درېيمې لوا وياند جاوېد بيا په دغه نښته کې د ملي اردو د درېيو کسانو ټپي کېدل تاييدوي، خو وايي چې د اردو کسان په بريد کې نه دي وژل شوي.
هغه د وسله والو مخالفينو د تلفاتو په اړه يواځې دومره وويل چې د هغوى د څلورو کسانو مړي د جګړې په سيمه کې پاتې دي.
login or register a new account.
