قلعۀ نو (پژواک، ٢٦ وږی ٩٧): د بادغيس د والي ویاند وايي چې د دغه ولایت په مرکز کې د پولیسو پر یوه امنیتي پوسته د طالبانو په برید کې شپږ پولیس وژل شوي او ۲۲ وسله والو مخالفینو ته مرګ ژوبله اوښتې ده.
د بادغيس د والي ویاند جمشېد شهباني پژواک خبري اژانس ته وویل، وسله والو مخالفینو تېره شپه د یاد ولایت په مرکزي سیمه «بند سبزک» کې پر یوه امنیتي پوسته چې د هرات ـ قلعه نو پر لویه لار پرته ده برید کړی دی.
د نوموړي په خبره، په دې جګړه کې اته وسله وال مخالفین وژل شوي او ۱۴ ټپیان دي.
شهباني دغه راز زیاته کړه چې په یاده دوه ساعته نښته کې د ملي پولیسو د عملیاتي کنډک قوماندان عبدالحکیم او پنځه پولیس وژل شوي دي.
د سیمې یوه اوسېدونکي ويلي چې یاده پوسته وسله والو مخالفینو نیولې وه، خو شهباني د پوستې سقوط نه مني او وايي، سیمه اوس د امنیتي ځواکونو تر واک لاندې ده او وضعیت نورمال دی.
وسله والو مخالفینو تر اوسه په دې اړه څه نه دي ويلي.
غړيYou need to subscribe to view the full article. Please login or register a new account.
