ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د ټاکنو ورځې بريدونو کې ۴۷ کسان وژل شوي، ۲۷۱نور ټپيان دي

د ټاکنو ورځې بريدونو کې ۴۷ کسان وژل شوي، ۲۷۱نور ټپيان دي

author avatar
20 Oct 2018 - 19:45
د ټاکنو ورځې بريدونو کې ۴۷ کسان وژل شوي، ۲۷۱نور ټپيان دي
author avatar
20 Oct 2018 - 19:45

کابل (پژواک، ٢٨ تله ٩٧): د ولسي جرګې د ټاکنو پر مهال نن په ټول هېواد کې امنيتي پېښې رامنځته شوې چې له امله يې ۴۷ کسان وژل شوي او نږدې ۲۷۱ نور ټپيان دي.

له کندهار او غزني پرته د هېواد په ټولو ٣٢ ولايتونو کې د ولسي جرګې ټاکنې ترسره شوې چې له امله يې د امنيتي ځواکونو له خوا کلک امنيتي تدابير نيول شوي وو.

دا په داسې حال کې چې وسله والو طالبانو د ټاکنو د مخنيوي او پر امنيت د مامورو کسانو د بريدونو ګواښونه هم کړي وو.

نن سهار د ټاکنو له پيلېدو وروسته د کابل ښار په بېلابېلو سيمو کې وړې چاودنې شوې دي چې له امله يې يو شمېر کسان ټپيان شوي دي. تر ماښام وروسته په اوولسمه حوزه کې ځانمرګى بريد وشو چې له امله يې ١٥ کسان وژل شوي او ٢٠ نور ټپيان دي.

دغه راز له پکتيا، خوست، ننګرهار، کونړ، نورستان، کاپيسا، پروان، هرات، کندوز، زابل، هلمند، بغلان، بدخشان، نيمروز، فراه او يو شمېر نورو ولايتونو څخه د نا امنيو راپورونه ورکړل شوي دي.

د کابل ښار د ١٥مې حوزې اړوند د خواجه بغرا په سيمه کې د چاودنې له امله ٢ تنه وژل شوي او اته نور ټپيان شوي دي.

د يادې سيمې د ګذر وکيل حکيم الله دا پېښه تاييدوي، خو د کورنيو چارو وزارت وياند نصرت رحيمي وايي چې چاودنه شوې، خو تلفات نه لري.

بلخوا د کابل ښار د ١٧مې حوزې اوسېدونکي وايي چې هلته د وحدت ښارګوټي د حضرت علي جومات کې هم چاودنه شوې او مرګ ژوبله لري، خو رحيمي وايي چې چاودنې تلفات نه درلودل.

دغه راز د کابل ښار د ١١مې ناحيې د لب جر په سيمه کې هم چاودنه شوې چې له امله يې يوه نجلۍ ټپي شوې ده. بلخوا د کابل ښار څلورمې، نهمې او ١٢مې حوزو په مربوطاتو کې هم چاودنې شوې دي، خو مرګ ژوبله يې نه لرله.

د کورنيو چارو وزارت وياند نصرت رحيمي وايي چې نن سهار د احمدشاه بابا مېنې د نسوانو لېسه کې چاودنه شوې، خو زيان يې نه درلود.

بلخوا ځايي چارواکي وايي چې د کندوز ښار په بېلابېلو سيمو کې د هاوان مرميو لګېدو له امله دوه تنه وژل شوي او ٣٨ نور ټپيان دي.

د کندوز د حوزوي روغتون مشرې مرضيې يفتلي پژواک خبري اژانس ته وويل چې تر اوسه دې روغتون ته د ښځو او ماشومانو په ګډون ٣٨ تنه ټپيان او دوه جسدونه انتقال شوي دي. ده وويل چې په ټپيانو کې ١١ سرتېري او په وژل شوو کې هم يو يې سرتېرى شامل دي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.