ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

چارواکي :کندهار  کې د ولسي جرګې ټاکنې له کومې امنيتي پېښې پرته تر سره شوې

چارواکي :کندهار کې د ولسي جرګې ټاکنې له کومې امنيتي پېښې پرته تر سره شوې

author avatar
27 Oct 2018 - 19:03
چارواکي :کندهار  کې د ولسي جرګې ټاکنې له کومې امنيتي پېښې پرته تر سره شوې
author avatar
27 Oct 2018 - 19:03

کندهار ښار(پژواک،٥ لړم ٩٧): د کندهار چارواکي وايي چې په دې ولايت کې له کومې امنيتي پېښې پرته د ولسي جرګې ټاکنې ترسره شوې.

دغه څرګندونې د کندهار سرپرست والي عبدالحنان منيب د هغې خبري غونډې په ترڅ کې وکړې، چې د کندهار د امنيې قوماندانۍ د امنيت امر مل پاسوال رحمت الله اطرافي، د ټاکنو کمېسيون مشر ډاکټر نعمت الله وردګ او د ټاکنيزو شکايتونو کمېسيون مشر کريم الله ستانکزي ګډون درلود.

منیب له امنیتي ځواکونو مننه وکړه چې د ټاکنو امنیت یې خوندي کړی و او تر دې مهاله هیڅ کومه بده پېښه نه ده شوې.

هغه خوښي وښوده چې خلکو له امنیتي ګواښونو سربېره په پراخه کچه په ټاکنو کې برخه واخیسته.

د هغه د معلوماتو له مخې، کندهار کې ټاکنې سهار اووه بجې پیل او نن مازیګر پنځه بجې پای ته ورسېدې.

ده ومنله چې په پيل کې ځینې تخنیکي ستونزې وې چې وروسته حل شوې او د ټاکنو پروسه عادي تر سره شوه.

دغه راز د امنيت امر مل پاسوال رحمت الله اطرافي وويل چې وسله والو غوښتل د ټاکنو پر وړاندې ستونزې جوړې کړي، خو و نه توانېدل، په ولسوالیو کې ګڼ شمېر ماینونه کشف او شنډ شوي دي.

همدارنګه د کندهار د ټاکنو کمېسیون رییس نعمت الله وردګ له امنيتي ځواکونو مننه وکړه چې د ټاکنو امنیت یې په ښه توګه خوندي کړی و.

ده وويل چې رسنیو هم دغې ملي پروسې ته ښه پوښښ ورکړ او خلک يې هم په ټاکنو کې د برخې اخيستنې لپاره وهڅول.

د وردګ په وينا، د ټاکنو په پیل کې د تخنیکي ستونزو له امله په ځينو مرکزونو کې د رایې ورکولو بهیر ناوخته پيل شو چې د ټولو مرکرونو ۱۰ سلنه جوړوي، خو وروسته دغه ستونزې حل شوې.

دى وايي چې په کندهار ښار کې نن ټول ۱۷۲ مرکزونه پرانیستي وو او هیڅ کوم مرکز تړلی نه و.

ده ومنله چې د ټاکنو په جریان کې لسګونه کارمندان د امنیتي ګواښونو له امله دندو ته حاضر نه شول چې دغه کار هم ستونزې جوړې کړې او د رایې ورکولو بهیر ناوخته پيل شو.

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.