پل علم(پژواک، ٣ غويى ٩٨):د لوګر امنيتي چارواکي وايي چې په خوښۍ ولسوالۍ کې يې شاوخوا اته سوه کيلوګرامه نشه يي توکي کشف او ترلاسه کړي دي.
د لوګر ولايت امنيه قوماندان سمونوال رحم خدا مُخلص د غويي په درېيمه پژواک خبري اژانس ته وويل چې تېره شپه امنيتي ځواکونو د خوښۍ ولسوالۍ په کافر درې سيمه کې عمليات کړي دي.
هغه وايي چې د دغو عملياتو پرمهال امنيتي ځواکونو ٧٩٠ کيلوګرامه چرس ترلاسه کړي چې پرمهال يې جګړه هم رامنځته شوې ده.
ده وويل چې په ياده جګړه کې د نشه يي توکو درې قاچاق وړونکي وژل شوي او يو عراده ډاډسن موټر يې نيول شوى دى.
هغه زياته کړه: ((دغه چرس يې په بوريو کې ځاى پرځاى کړي و چې زموږ پوليسو ونيول او مرکز پل علم ته يې انتقال کړل.))
قوماندان وايي چې دنشه يي توکو د قاچاق کوونکو، د ځمکو د غاصبينو او زورواکو پر وړاندې د مبارزې لپاره يې خپل پلانونه پراخ کړي دي.
په همدې اړه د لوګر د ولايتي شورا رييس حسيب الله ستانکزي وويل چې لوګر د نشه يي توکو د قاچاق پر ترانزيټي لار بدله شوې ده چې بايد مخنيوى يې وشي.
هغه وايي: ((د مشرقي ولايتونو نشه يي توکي د لوګر له لارې نورو ولايتونو ته انتقالېږي چې بايد مخه يې ونيول شي.))
د يادونې ده چې د روان کال له پيله تر اوسه په لوګر ولايت کې شاوخوا ١٥٠٠ کيلوګرامه نشه يي توکي نيول شوي دي.
غړيYou need to subscribe to view the full article. Please login or register a new account.
