منځپانګې ته تلل
سه‌شنبه ۱۷ نومبر ۲۰۲۶ · کابل ۸:۵۱ غ.م
۷°صاف · ↑۱۴° ↓۱°د هوا کیفیت: منځنی
غړي

چين او ايران د افغان سولې په اړه خبرې کړې دي

· ۱ دقیقه لوستل · ۸۳ کتنې

کابل (پژواک، ٢٤ غويى ٩٨): چيني او ايراني چارواکو په تهران کې د ليدنې پر مهال له افغان سولې پروسې د ملاتړ ژمنه کړې ده.

د ايراني  اژانس (ايرنا) د راپور له مخې، د افغانستان لپاره د چين ځانګړي استازي دينګ جونګ په تهران کې د بهرنيو چارو وزارت له مرستيال عباس عراقچي سره وليدل.

سرچينې زياته کړې چې دواړو لورو د افغانستان پر وروستيو امنيتي، سياسي حالاتو او د سولې پر پروسې خبرې وکړې.

په راپور کې راغلي چې دغه راز دواړو لورو د افغانستان نا امني او بې ثباتي د ټولې سيمې لپاره ګواښ وباله او په افغان سوله کې يې د خپل لوري د همکاريو ډاډ ورکړ.

عراقچي د افغانستان د تلپاتې سولې لپاره د سيمې هېوادونو پر رول ټينګار کړى دى.

د يادونې ده، د افغان سولې لپاره د سيمه ييزې اجماع رامنځته کولو هلې ځلې زياتې شوې دي؛ د چين ځانګړي استازي څو ورځې مخکې هندوستان ته هم سفر کړى او د افغان سولې په اړه يې خبرې کړې وې.

دغه راز د افغانستان د سولې عالي شورا د دارالانشاء رييس او د ولسمشر ځانګړى استازى عمر داوودزى هم په همدې موخه جرمني ته تللى او له هغه ځايه وروسته به هند ته ځي.

غړي

You need to subscribe to view the full article. Please login or register a new account.

اړوند خبرونه

ټول نړیوال خبرونه