کابل (پژواک، ٣٠ غبرګولى ٩٨): په افغانستان کې د ملګرو ملتونو د سرمنشي ځانګړى استازى او د یوناما مشر تدامچي یاماماتو ويلي، د افغانستان ټاکنو پر وړاندې دې مسوولانه چلند وشي.
نوموړي دغه څرګندونې د افغانستان په اړه د ملګرو ملتونو د امنيت شورا ځانګړې غونډې ته کړې دي.
ياماماتو زياته کړې، هغه هېوادونه چې پر طالبانو نفوذ لري، باید د سولې پروسې د ګړندي کولو لپاره اقدامات وکړي.
نوموړي ويلي: «تېر کال په کوچني اختر کې د درېیو ورځو لپاره اوربند افغانانو ته په سوله کې د ژوند څېره وښوده، خو بیا هم د تېر یوه کال جګړو د سولې پر وړاندې مشکلات ورته په ګوته کړل.»
یاماماتو وايي، په افغانستان کې د ولسمشرۍ راتلونکې ټاکنې ډیموکراسۍ ته د افغانانو ژمنتيا څرګندوي.
نوموړي پر نړیوالو غږ کړی چې په افغانستان کې پر وخت او رڼو ټاکنو ترسره کولو کې خپله برخه ورل ولوبوي.
هغه ټینګار کړی چې د افغانستان ټاکنو پر وړاندې دې مسوولانه چلند وشي؛ ځکه افغانستان له ټاکنو وروسته بحران نه شي زغملای.
د یاماموتو په خبره، رڼې او پر وخت ټاکنې به د سولې له پروسې سره مرسته وکړي.
login or register a new account.
