کابل (پژواک، ۹ چنګاښ ۹۸): د افغانستان طبي شورا په هېواد کې د سرطان تشخیص د پرمختللي روغتون جوړولو غوښتنه وکړه او ولسمشر وویل چې د سرطان ناروغۍ تشخیص لپاره به د روغتون جوړولو لپاره اقدام وشي.
د افغانستان طبي شورا غړو دا موضوع په ملي سمپوزیم (علمي غونډه) کې چې له ((سرطان سره د مجادلې)) تر عنوان لاندې نن د ولسمشر محمد اشرف غنی، رولا غني، د کابينې ځينو غړو، د کابل طبي پوهنتون ځینو ډاکټرانو او استادانو په ګډون په کابل کې جوړ شوی و، مطرح کړه.
د طبي شورا مشرې ډاکټر نسرین اوریاخېل وویل چې د زړه له ناروغیو وروسته، سرطان ناروغۍ په نړۍ او افغانستان کې د ډېرو خلکو ژوند اخلي.
نوموړې له ولسمشر غوښتنه وکړه چې د سرطان ناروغۍ تشخیص او درملنې لپاره دې د یو عصري روغتون جوړولو ته پاملرنه وکړي.
د سرطاني ناروغیو متخصصې زرغونې تره کي په دې علمي غونډه کې وویل چې د نړۍ روغتيایي سازمان شمېرو له مخې په ۲۰۱۸ کال کې په افغانستان کې ۲۰ زره کسان په سرطان اخته شوي چې ۱۵ زرو یې ژوند بایللی دی.
د نوموړې په وینا، د طبي شورا څېړنې ښيي چې په دې ناروغۍ اخته کسانو کې ښځې تر ډېره د سينې په سرطان او نارینه د جوف دهن او مرۍ په سرطانونو اخته دي.
دغه راز د سرطان ناروغیو بل متخصص او د یادې شورا غړي ډاکټر حیدر عمر وویل چې د وړاندې شوو شمېرو له مخې په افغانستان کې ۸۰ سلنه په سرطان ناروغیو اخته کسان مري؛ ځکه په افغانستان کې پرمختللی مرکز او د دې ناروغۍ مسلکي متخصصین نشته.
هغه زیاته کړه: ((له ولسمشر د عصري روغتون جوړولو غوښتنه کوو، موږ مختصصین غواړو باید ډاکټرانو لپاره له هېواد څخه بهر د زیاتو زده کړو موکه برابره شي او خصوصي سکټور چې په دې برخه کې پانګونې ته لېواله دى، باید ملاتړ ترې وشي، جناب ولسمشر! موږ خپل مسوولیت ترسره کړ او د خلکو غوښتنه مو تا ته ورسوله، اوس نو تاسو ته اړوند ده چې د ولس غږ ته لبیک وایي او که نه؟ د قیامت په ورځ هرومره له موږ او تاسو پوښتنه کېږي.))
ولسمشر محمد اشرف غني هم په دې مراسمو کې د خبرو پرمهال وویل چې لا هم په افغانستان کې د سرطان ناروغۍ تشخیص او درملنه په ټيټه کچه ده او د سرطاني ناروغیو له امله د ۱۵ زرو کسانو مړینه، ستر ناورین دی.
هغه وویل: ((کله چې د سرطان نوم اورو، ناهیلي کېږو، نو دا خنډ باید له منځه یوسو او په دې پوه شو چې سرطان شته؛ زموږ ژوند ګواښي او د درملنې لپاره یې باید اړین ګامونه واخلو، موږ باید له ناهیلۍ د اقدام په لور لاړ شو او له سرطان ناروغیو سره څرګند او مشخص اقدامات ترسره کړو.))
نوموړي زیاته کړه: ((په افغانستان کې یو عادت دی چې ټول یې له خپلې غاړې خلاصوي او زموږ په غاړه یې اچوي.))
هغه وویل: ((مالیې وزارت ته لارښوونه کوم چې د سرطان ناروغیو تشخیص د یوه مرکز جوړولو لپاره سږکال بوديجه منظور کړي او د ایکسري او نورو طبي سامان الاتو د چمتو کولو لپاره دې په څرګند ډول ارزونه وکړي.))
متخصصین وايي، د نړۍ په کچه څه باندې سل ډوله سرطاني ناروغۍ چې د بدن حجرو له غیرطبیعي ودې څخه پيلېږي، موجودې دي. د هغوی په وینا، لږ فزیکي فعالیت، نامناسبه تغذیه او محيطي عوامل په دې ناروغۍ اخته کېدو کې اغېزمن رول لري.
غړيYou need to subscribe to view the full article. Please login or register a new account.
