کابل (پژواک، ١٧ زمرى ٩٨): د افغانستان د سوداګرۍ خونه وايي چې د هندوستان او پاکستان ترمنځ د سوداګريزو اړيکو له پرې کېدو سره افغانستان اغېزمن کېږي.
وروسته له هغه چې هندوستان تر خپل واک لاندې کشمير کې ځيني بنديزونه ولګول او د کشمير کورني اختيارات يې له منځه يووړل، پاکستان يې پر وړاندې کلک غبرګون ښودلى دى.
پاکستان پرون له هندوستان سره سفارتي اړيکې محدودې کړې، د هند سفير ته يې د وتلو امر کړی او له هندوستان سره يې ټولې سوداګريزې اړيکې پرې کړې دي.
د افغانستان د سوداګرۍ خونې مرستيال خان جان الکوزي د زمري په ١٧مه پژواک خبري اژانس ته وويل چې د پاکستان او هند ترمنځ سوداګريزو اړيکو له خرابېدو سره افغانستان هم زيانمن کېږي.
هغه زياته کړه چې له دې سره د پاکستان د لاهور د واګې بندر د افغان سوداګرو پر وړاندې تړل شوى دى.
د الکوزي په وينا، واګه بندر د افغانستان صادراتو لپاره ډېر مهم دى او افغان سوداګر کولى شي چې له ډېرې لنډې لارې هند ته خپل توکي ورسوي.
د سوداګرۍ خونې مرستيال وايي چې هره ورځ د افغان سوداګرو شاوخوا لس کانټينر تازه مېوه او سبزيجات د واګې بندر له لارې هندوستان ته صادرېږي چې اوس دا بند شوي دي.
ده زياته کړه چې د افغانستان د سوداګرۍ خونه دا موضوع د سوداګرۍ او صنايعو له وزارت سره شريکه کړې خو څو پورې چې د هند او پاکستان اړيکې ښې نه شي، افغانستان په دې برخه کې څه نه شي کولى.
غړيYou need to subscribe to view the full article. Please login or register a new account.
