ترينکوټ (پژواک، ٢١ وږى ٩٨) : د اروزګان د روغتيايي چارو مسوولين وايي چې په دغه ولايت کې د روان کال پر مهال د ګوزڼ اتمه پېښه ثبت شوې ده.
ددې ولايت د عامې روغتیا ریاست د واکسین د برخې مسوول سيف الدين بارک د وږي په ٢١مه، پژواک خبري اژانس ته وويل، چې دګوزڼ پر ناروغۍ اخته شوې راضيه نومېږي او ١٤ کاله عمر لري.
هغه زياته کړه، چې دغې نجلۍ ته څلور ځلې د پوليو واکسين شوى و، خو په وروستيو کلونو کې له دې واکسين څخه پاتې شوې وه.
بارک وايي، په دغه ولایت کې د پولیو د پېښو زیاتېدو لامل له تېر يونم کال راهیسې په سیمه کې د طالبانو له خوا پر واکسين بندېز دی.
له دې نوې پېښې سره په روان کال کې په دغه ولايت کې د ګوزڼ د مثبتو پېښو شمېره اتو ته ورسېده، چې څلور پېښې په مرکز ترينکوټ ښار، درې چوره او يوه پېښه په چارچينو ولسواليو کې ثبت شوې دي.
د عامې روغتيا وزارت د معلوماتو له مخې، سږ کال تر اوسه په ټول هېواد کې د ګوزڼ ١٦ مثبتې پېښې ثبت شوې چې اته يې اروزګان، پنځه هلمند، دوه کندهار او يوه هم په کونړ ولايت کې ثبت شوې ده.
غړيYou need to subscribe to view the full article. Please login or register a new account.
