منځپانګې ته تلل
دوشنبه ۱۶ نومبر ۲۰۲۶ · کابل ۲:۵۰ غ.م
۲° — په ټولو ولایتونو کې هوا
صاف · ↑۱۴° ↓۰°
د هوا کیفیت: منځنی
غړي

ويسټ انډيز افغانستان ته د کرکټ په دویمه يوه ورځنۍ لوبه کې هم ماتې ورکړه

· ۲ دقیقې لوستل · ۱۲۷ کتنې

کابل (پژواک، ١٩ لړم ٩٨): ويسټ انډيز د کرکټ په دويمه يوه ورځنۍ نړيواله لوبه کې هم ماتې ورکړه او د درېيو لوبو لړۍ يې وګټله.

دا لوبې د افغانستان په کوربه توب د هندوستان په لکنو ښار کې روانې دي.

پرون له غرمې وروسته د دواړو هېوادونو لوبډلو ترمنځ د دويمې لوبې پچه د ويسټ انډيز لوبډلمشر وګټله او لومړى يې د توپوهنې پرېکړه وکړه.

د ويسټ انډيز لوبغاړو د افغان توپ اچوونکو د ښې لوبې له امله په لومړيو کې په اسانه منډې ونه شو کړاى خو په وروستيو اورونو کې يې منډې تېزې کړې او په ٥٠ اورونو کې يې د ٩ لوبغاړو په سوځېدو سره ٢٤٧ منډې جوړې کړې او افغانستان ته يې د ٢٤٨ منډو هدف ورکړ.

د افغانستان له لوري نوين الحق درې، مجيب ځدراڼ، شرف الدين اشرف، راشد خان، محمد نبي او جاوېد احمدي يو يو لوبغاړي وسوځول.

د ملي لوبډلې توپوهونکو د ياد هدف ترلاسه کولو لپاره يو ځل بيا سمه لوبه ونه کړه او په وقفه يي توګه سوځېدل. د افغانستان ټوله لوبډله په ٤٦ اورونو کې ٢٠٠ منډې جوړې کړې او دغه راز ويسټ انډيز دا لوبه د ٤٧ منډو په توپير سره وګټله.

د افغانستان له لوري نجيب ځدراڼ په زړه پورې لوبه وکړه او ٥٣ منډې يې جوړې کړې، دغه راز رحمت شاه ٣٣، محمد نبي ٣٢، حضرت ځاځى ٢٢، او شرف الدين اشرف ١٣ منډې جوړې کړې.

لومړۍ لوبه هم ويسټ انډيز ګټلې وه، ټاکل شوې ده د دواړو لوبډلو ترمنځ درېيمه يوه ورځنۍ لوبه سبا ترسره شي.

غړي

You need to subscribe to view the full article. Please login or register a new account.

اړوند خبرونه

ټول لوبې