نیلي (پژواک، ۶ مرغومى ۹۸): د دايکنډي امنيه قومانداني وايي چې ددغه ولايت په کچران ولسوالۍ کې د امنيتي ځواکونو د عملياتو پرمهال اووه وسله وال طالبان وژل شوي او يوتن يې ټپي دى.
د دايکنډي امنيه قوماندانۍ د يوې خبرپاڼې په خپرولو سره ويلي چې دغه اووه وسله وال طالبان د کجران په بالادشت سيمه کې د يوې نښتې پرمهال وژل شوي دي.
سرچينه وايي چې دغه نښته تېره ورځ له غرمې وروسته يوه بجه پيل او د ماښام تر شپږو بجو يې دوام وکړ.
ددولت وسله والو مخالفينو تراوسه پورې په دې اړه څه نه دي ويلي.
په کجران کې له تېرو څو ورځو راهيسې عمليات جريان لري.
غړيYou need to subscribe to view the full article. Please login or register a new account.
