جلال اباد (پژواک، ۲۲ کب ۹۸): وروسته له هغه چې په هېواد کې د کرونا ويروس ۷ مثبتې پېښې ثبت شوې ننګرهار کې پر دغې ناروغۍ د ممکنه اخته کېدونکو کسانو د درملنې لپاره سل بستريز روغتون جوړ شو.
دا روغتون د کب په ۲۲مه د ننګرهار مرکز جلال اباد ښار په پنځمه ناحيه کې جوړ او د عامې روغتيا وزارت د مسوولينو او ننګرهار چارواکو له لوري پرانېستل شو.
د ننګرهار والي او په دې ولایت کې د کرونا ویروس د مخنیوي کمېټې مشر شاه محمود میاخېل وویل، په دې ولایت کې د اړونده ادارو له لوري په همغږۍ د کرونا ویروس د مخنیوي په موخه تدابیر جریان لري .
هغه زیاته کړه، د همدې تدابیرو په لړ کې نن د حج اواوقافو ریاست اړوند حاجي کمپ کې د عامې روغتیا ادارې په مرسته سل بسترونه فعاله شول او تر زر بسترو پورې نور هم چمتوالی لري .
مياخېل يو ځل بيا په خلکو غږ وکړ چې د کرونا ویروس د مخنیوي په موخه د لاسونو او غېږو ورکړې، بې ځایه غونډو کې د ګډون،پرله پسې ډول د لاسونو وینځلو او نورو برخو کې خپل چمتوالی ولري .
د ياد روغتون د پرانیستې پر مهال د عامې روغتیا وزارت مرستیال فدا محمد پیکان يو ځل بيا اندېښنه وښوده چې ايران کې د کرونا ويروس پراختيا دلته هم اندېښنې ډېرې کړې دي.
هغه زياته کړه، افغانستان کې پر کرونا ويروس د اخته کسانو اووه مثبتې پېښې ثبت شوي چې هغه کسان هم له ايران څخه هېواد ته راستانه شوي دي.
په ورته وخت کې د ننګرهار د عامې روغتيا رييس ډاکټر نصير احمد دراني خوښي وښوده چې تر اوسه په دې ولايت کې د کرونا هېڅ مثبته پېښه نه ده ثبت شوې او ډاډ يې ورکړ چې دلته يې له دغې ناروغۍ سره د مبارز لپاره بشپړ چمتوالی نيولی دی.
کرونا ويروس چې په چين کې يې پراختيا پيدا کړه اوسمهال د نړۍ ١١٨ هېواد ته خپور شوی، چې تر سل زره زیات کسان پرې اخته دي او نږدې څلور زره مړه شوي.
د عامې ورغتيا وزارت د معلوماتو له مخې، افغانستان کې زیاتې پېښې له ایران څخه د راغلو ګډوالو دي، ډېره ستونزه د افغانستان لوېديځ ته متوجه ده.
غړيYou need to subscribe to view the full article. Please login or register a new account.
