سرپل (پژواک، ۲۷وری۹۹): د سرپل د عامې روغتیا ریاست وایي، پر کرونا ناروغۍ اخته تن چې تېره ورځ له روغتون نه تښتېدلی و، د طالبانو په مرسته ونیول او بېرته د دغه ولایت ولایتي روغتون ته ولېږدول شو.
د سرپل د عامې روغتیا ریاست د معلوماتو له مخې، دغه تن چې عبدالرحیم نومي او ۱۸ کاله عمر لري، پر کرونا ناروغۍ د اخته کېدو له امله په یاد روغتون کې بستر و او تېره ورځ سهال له روغتون نه تښتېدلی و.
د سرپل د عامې روغتیا مشر ډاکتر نوراحمد اسحاقزي پژواک خبري اژانس ته وویل چې عبدالرحیم نن له طالبانو سره د همغږی په پایله کې د سرپل په سوزمه قلعه ولسوالې کې ونیول او د سرپل ولایتی روغتون ته ولېږدول شو.
د اسحاقزی په وینا، هغو کسانو ته د کورني قرنطین توصیه شوې چې له عبدالرحیم سره په اړیکه کې شوي دي.
د عامې روغتیا وزارت د معلوماتو له مخې، تر اوسه افغانستان کې ۷۸۴ د کرونا مثبت پېښې ثبت شوي او له دې ډلې ۲۳ تنه مړه او ۴۰ تنه بېرته روغ شوي دي.
غړيYou need to subscribe to view the full article. Please login or register a new account.
