کابل (پژواک، ۲۹وری۹۹): د افغانستان کابینې له کرونا ویروس سره د مبارزې د ښه مدیریت په موخه ملی طرحه په اصولو کې تصویب کړه او دغه طرحه له نړیوالې ټولنې، پراختیایي شریکانو او اړوند سازمانونو سره شریکوي.
د افغانستان د عاملې روغتیا وزارت تېره ورځ وویل چې هېواد کې د کووید ۱۹ (کرونا ویروس) ۸۴۰ مثبت پېښې ثبت شوي او له دغو ناروغانو ۳۰ تنه مړه او ۵۴ نور بېرته روغ شوي دي.
د کرونا ویروس په نړیوال کچه او افغانستان کې ورځ تر بلې د پراخه کېدو په حال کې دی.
د ولسمشرۍ ماڼۍ په خبرپاڼه کې راغلي چې کابینه تېره ورځ مازدیګر له کرونا ویروس سره د مبارزې په موخه د منابعو موندلو او په مشخصوپروګرامونو کې د کاري ګروپونود ایجاد لپاره د افغانستان اسلامي جمهوري دولت طرحه د ملي طرحې په توګه په پرنسیب کې تصویب کړه.
د سرچینې د معلوماتو له مخې، په یاده غونډه کې د کابینې له غړو وغوښتل شول چې په دې اړه خپل نظریات او وړاندېزونه په لیکلي بڼه برابر او د حکومت رهبري ته وړاندې کړي.
سرچینه لیکي:"په یاده طرحه کې د خطر مدیریت، د مدیریت د تغییر طریقې ته بدلون ورکول، احتمالي پړاوونه، د ټولنې او متضررو ډلو غبرګون، د ټولنې هیلې، د مارکیټ ځواب او هیله او د دولت ځواب، تفصیلي موضوعات شامل دي."
په خبرپاڼه کې راغلي چې دغه طرحه به له کرونا ویروس سره د مبارزې بهیر د غوره مدیریت په موخه له نړیوالې ټولنې، انکشافي شریکانو او اړوندو بین المللي سازمانونو سره له واضح وړاندیزونو سره یو ځای شریکه شي.
د سرچینې د معلوماتو له مخې، په افغانستان کې کروناویروس سره د مبارزې په خاطر عامې روغتیا وزارت او د دغو وزارت دویمو واحدونو ته د مالي-اداري استثنایي صلاحیت سپارلو لایحه هم په پرنسیب کې تصویب شوه.
کابینې د عامې روغتیا وزارت موظف کړی چې یاده لایحه په کابینه کې د وړاندې شویو اصلاحي نظریاتو په پام کې نیولو سره وروستۍ او د هغې په رڼا کې اقدام وکړي.
دغه راز سرچینه زیاتوي چې کابینې عامې روغتیا وزارت ته دنده وسپارله چې د روڼتیا پر څرنګوالي، د لګښتونو تفتیش، د بودیجې د تدارک مشخصولو او ژمنو پر مقدار د تمرکز پرمهال له مالیې وزارت سره لازمه همغږي وکړي او د استخدام واضح پلان دې جوړ او د کابینې راتلونکو غونډو ته وړاندې کړي.
سرچینه لیکي چې وروسته کابینې د کرونا ناروغۍ د بېړني حالت مدیریت واحده طرحه په پرنیسب کې تصویب کړه.
په خبرپاڼه کې راغلي:"دغه طرحه د عامې روغتیا وزیر د کابینې غونډې ته وړاندې کړه وېې ویل، یاده طرحه د تازه عملیاتي طریقې د ایجاد، همغږۍ، منابعو څخه د موثرې استفادې او کرونا ویروس سره د مبارزې ترڅنګ د روغتیا سکتور پر ستراتېژیکو ساحو د تمرکز ساتلو په موخه ترتیب او تنظیم شوې ده."
دغه راز سرچینه زیاتوِي:" د اجنډا مطابق د جمهوري ریاست دویم مرستیال استاد سرور دانش او د اداري اصلاحاتو او ملکي خدمتونو خپلواک کمېسیون لوی رئیس احمد نادر نادري، د کرونا ناروغۍ (کووید-۱۹) خپرېدو د مخنیوي په موخه په مرکز کې د درې اوونیو په تمدید سره د کاري رژیم تنظیم طرزالعمل د لومړۍ ګڼې ضمیمې تعدیل طرحه غونډې ته وړاندې کړه چې له هر اړخیزو بحثونو وروسته تصویب شوه."
غړيYou need to subscribe to view the full article. Please login or register a new account.
