د کاپیسا د امنیه قوماندان ورور په کندهار کې په یوه هدفي برید کې ووژل شو

کندهار (پژواک، ۲۲ غبرګولی ۹۹): د کندهار د امنیې قوماندانۍ یو افسر دویم څارن محمد نسیم اعتبار په یوه هدفي برید کې ووژل شو.

پېښه نن غرمه شاوخوا یوه بجه د کندهار ښار د ۳مې امنیتي حوزې اړوند پر بای پاس سړک شوې ده.

د کندهار  امنیې قوماندانۍ ویاند جمال ناصر بارکزي پژواک خبري اژانس ته وویل، دویم څارن محمد نسیم اعتبار د امنیې قوماندانۍ د جنايي جرمونو د منطقوي کنټرول د مدیر په توګه دنده ترسره کوله.

ده زیاته کړه، پر نوموړي نن غرمه یوه بجه د کندهار ښار په درېیمه حوزه کې پر بای پاس سړک د وسله والو له خوا برید شوی او وژل شوی دی.

دی وايي، برید کوونکي تښتېدلي خو پولیسو یې لټون پیل کړی دی.

دویم څارن محمد نسیم اعتبار د کاپیسا د امنیه قوماندان جنرال فرید مشعل ورور و.

که څه هم د دغې پېښې مسوولیت تر اوسه چا نه دی اخیستی خو په تېر کې د دغسې بریدونو مسوولیت تر ډېره وسله والو طالبانو په غاړه اخیستی دی.

 په کندهار کې له ډېر وخت راهیسې د هدف وژنو لړۍ روانه ده چې په کې نظامي او ملکي کارکوونکي، قومي مخور، دیني عالمان او نور په نښه کېږي.

غړي

You need to subscribe to view the full article. Please login or register a new account.