کندهار ښار (پژواک، ۱۰ چنګاښ ۹۹) : د کندهار او هلمند ولایتونو په دوو بېلابېلو چاودنو کې دوه ملکي وګړي وژل شوي او اووه تنه نور ټپیان شوي دي.
د کندهار د امنیه قوماندانۍ ویاند جمال ناصر بارکزي د چنګاښ په ۱۰مه، پژواک اژانس ته وویل چې نن شاوخوا نهه بجې د کندهار- اروزګان پر لویه لاره د شاه ولیکوټ ولسوالۍ د کرم کارېز په سیمه کې چاودنه شوې ده.
هغه زیاته کړه، د ملکي وګړو پر یوه لنډ کروزر موټر هغه مهال د سړک غاړې ماین وچاودېد چې له کندهاره ارزوګان ته روان و. دی وايي، په دې پېښه کې شپږ کسان ټپیان شوي چې ماشومان او لویان دي.
د ده په خبره، ټپیان د پولیسو له خوا روغتون ته رسول شوي چې د ځینو ټپونه ژور دي.
بارکزي وویل، دغه ماین د وسله والو طالبانو له خوا ځای پر ځای شوی و. خو وسله والو طالبانو په دې اړه څه نه دي ویلي.
د یو بل خبر له مخې، د هلمند ولایت ناوې ولسوالۍ کې ماین چاودنې درېیو ملکي وګړو ته مرګ ژوبله اړولې ده
ددې ولایت یوې امنیتي سرچینې وویل چې نن سهار د ناوې ولسوالۍ د منګلزو په سیمه کې پر یوه مازدا موټر د سړک د غاړې ماین چاودنه شوې چې له امله یې دوه کسان وژل شوي او یوتن ټپي دی.
وسله والو طالبانو ددې چاودنو په اړه څه نه دي ویلي.
غړيYou need to subscribe to view the full article. Please login or register a new account.
