منځپانګې ته تلل
سه‌شنبه ۱۷ نومبر ۲۰۲۶ · کابل ۸:۵۲ غ.م
۷°صاف · ↑۱۴° ↓۱°د هوا کیفیت: منځنی
غړي

د تهران په یوه روغتون کې چاودنو تر ۳۰ زیاتو کسانو ته مرګ ژوبله اړولې ده

· ۱ دقیقه لوستل · ۹۹ کتنې

کابل (پژواک، ۱۱ چنګاښ ۹۹) : د ایران د پلازمېنې په یوه روغتون کې تر چاودنې وروسته اورلګېدنه رامنځته شوې چې له امله یې ۱۹ کسان مړه او ۱۵ نور ټپیان شوي دي.

د ایراني رسنیو د راپورونو له مخې، تېره شپه د تهران په یوه روغتیايي مرکز کې لومړی دوه چاودنې شوې دي او وروسته له هغه اورلګېدنه رامنځ ته شوې ده.

ځایي مسوولینو رسنیو ته ویلي چې اور د روغتیايي مرکز ټولو پوړونو ته رسېدلی چې د وروستیو معلوماتو له مخې، په دې پيښه کې ۱۹ تنه مړه او ۱۵ نور ټپیان شوي دي.

ایراني چارواکو د چاودنو په اړه معلومات نه دي ورکړي، خو وایي ښايي پېښه د اکسیجن د ډبو د چاودنې له امله رامنځ ته شوې وي.

ایراني پولیس وایي چې د پېښې په اړه به نور معلومات وروسته له رسنیو سره شریک کړي او ددې احتمال هم شته چې مرګ ژوبله تر دې لوړه شي.

غړي

You need to subscribe to view the full article. Please login or register a new account.

اړوند خبرونه

ټول نړیوال خبرونه